Iowa City, Iowa
Aeral imajo pri Iowa City.
Lando: Usa
Stato: Iowa
Informo:
Latitudo: 41º39'20" N
Longitudo: 91º31'29" W
Altitudo: 204 m
Surfaco: 63,3 km²
Habitanti: 67 862 (2010)
Denseso di habitantaro: 1047,6 hab./km²
Horala zono: UTC-6
(UTC -5 dum la somero)
Urbestro: Geoff Fruin
Mapo di Iowa City, Iowa

Iowa City esas urbo en la komtio Johnson, Iowa, Usa. Segun la demografiala kontado di 2010, ol havis 67 862 habitanti. Esas la hemo dil Universitato di Iowa. Iowa City esis l'unesma chef-urbo di Iowa, til ol movesis a Des Moines dum la yari 1850ma.

Geografio redaktar

Iowa City jacas a 41.66° N 91.52° W.

Segun l'Usana Kontado Ministerio, l'urbo havas entote 63,3 km², equivalanta a 24,4 mi², di qui 62,6 km² (24,2 mi²) esas lando e 0,7 km² (0,3 mi², o 1,15% ek la surfaco totala) esas aquo.

Demografio redaktar

Segun la demografiala kontado di 2000, esis 62,220 homi, 25,202 hemanari, e 11,189 familii qui rezidis en la urbo. La denseso di habitantaro esis 994.3/km² (2,575.0/mi²). Esis 26,083 domi kun mezvalora denseso di 416.8/km² (1,079.4/mi²). Segun raso, esis 87.33% Blanki, 3.75% Negri od Afrik-Usani, 0.31% indijeni Amerikana, 5.64% Aziani, 0.04% Pacifik-insulani, 1.25% de altra rasi, e 1.68% de du o plura rasi, e 2.95% de la habitantaro esis Hispan-Amerikani o Latin-Amerikani de irga raso.

Esis 25 202 hemanari, di qui 21.2% havis pueri od adolecanti evante min kam 18 yari en la domo, 35.2% esis mariajita e habitis kune; en 2% de la hemanari vivis samasexua gespozi, en 6.7% muliero sen spozulo esis la domo-chefo, e 55.6% esis ne-familii. En 33.8% de omna hemanari vivis unika sola individuo, e 6.1% habitesis da ulu evante 65 yari o pluse qua vivis sole. La mezvalora grandeso per hemanaro esis 2.23 personi e la mezvalora grandeso per familio esis 2.90 personi.

La procento di habitanti segun evo esis: 16.2% sub l'evo di 18, 32.8% de 18 til 24 yari, 28.1% de 25 til 44 yari, 15.9% de 45 til 64 yari, e 7.0% evante 65 yari o pluse. La mezvalora evo esis 25 yari. Por singla 100 mulieri esis 96.2 viri. Por singla 100 mulieri evante 18 yari o pluse esis 94.3 viri.

La mezvalora revenuo per hemanaro en l'urbo esis $34,977, e la mezvalora revenuo per familio esis $57,568. La mezvalora revenuo por la viri esis $35,435 kontre $28,981 por la mulieri. La revenuo per capita por l'urbo esis $20,269. Cirkume 21.7% de la habitantaro e 6.7% de la familii vivis sub la povreso-lineo, inkluzite 10.2% ek omna habitantaro evante min kam 18 yari, e 3.0% ek omna habitantaro evante 65 yari o pluse.

Extera ligili redaktar