Henry Ford
Profesiono: entraprezisto
Lando: Usa
Naskodato: 30 di julio 1863
Nasko-loko: Greenfield Township, Dearborn, Michigan
Mortodato: 7 di aprilo 1947
Morto-loko: Fair Lane, Dearborn, Michigan

Henry Ford (1863 til 1947) esis Usana entraprezisto, qua fondis Ford Motor Company ye la 16ma di junio 1903.

Ilua patro esis farmisto. De 1879 Henry esis employata kom mashinisto, pose kom injenioro. En 1896 il konstruktis ilua unesma su-propulsata vehilo, la "Ford Quadricycle". Ilua fabrikerio la Motoro-Kompanio di Ford fondesis en Detroit, Michigan, en 1903.

Ye la 27ma di septembro 1908 en Detroit, la unesma veturo Model T departis de la Ford-fabrikerio, e ye 1ma di oktobro ol esis introduktata a la Usana populo. Henry Ford volis ke veturo esez produktata, olqua esus suficante chipa por granda nombro di personi. La Model T esis amasale produktata sur movanta asemblo-linei. En 1918, duimo de la veturi en Usa esis le Model T. Kande produktado cesis en 1927, plu kam 15 milion veturi esis fabrikita.

1911 Ford Model T