Grozni

Grozni
Грозный
– urbo –
Aeral imajo pri Grozni.
Standardo	Blazono
Lando	Rusia
Kodexo OKATO	96401000000
Informo:
Fondita ye:	1818
Urbala legi ye:	1869
Urbestro	Zaur Hizriyev
Altitudo	130 m
Surfaco	324,16 km²
Habitanti	326 439 (2022)
Denseso di habitantaro	1007,03 hab./km²
Horala zono	UTC+3
Telefonnumero	+7 8712
Postkodexo/i	364000-364063
Registragilo/i	20
Mapo:
43°19'00"N, 45°42'00"E
di Rusia:
• Grozni
di republiko Chechenia:
• Grozni
Oficala retosituo: www.grozmer.ru

Grozni (ruse Грозный, chechene Соьлжа-ГӀала; ad 1869 – Groznaya, 1869–1998 – Grozni, 1998–2000 – Djohar) esas urbo en westala Rusia. Ol esas chefurbo di republiko Chechenia e samtempe un de lua distrikti. Segun statistiki dil yaro 2022, ol havis 326 439 habitanti. Lua tota surfaco esas 324,16 km².

Urbala turmi.

Jacanta apud rivero Sunja, ol distas cirkume 1480 kilometri sud-este de Moskva. Dum l'unesma milito di Chechenia en 1996, nedependantisti rinomizis ol Dzhokhar-Ghala, signifikanta "urbo di Dzhokhar", homaje Dzhokhar Dudaiev, prezidanto di Chechena Republiko Ichkeria.

Etimologio di nomo

Ruse vorto grozni signifikas danjeroza, timenda o terorigiva (homaje Ivan, la Terorigiva).

Historio

Grozni fondesis en 1817 dal caro Alexandr la 1ma. Ol kreesis kom mikra fortreso, e plugrandigis lente til la komenco dil 20ma yarcento.

Pos fino di Sovietia, l'urbo okupesis dal rebeli qui deziris la nedependo di Chechenia (precipue pro religia racioni), dum l'unesma milito di Chechenia. Rusa armeo riprenis kontrolo di ol dum la duesma milito di Chechenia, ma ol restis bataliagro.

Galerio

• 
  Grozni en 1910.
• 
  "Grozni-siti" – moderna edifici dil urbo.
• 
  Altra imajo dil urbo.

• 
  Stadio Ahmat Arena.
• 
  Moskeo "Kordio di Chechenia".
• 
  Noktal imajo pri Grozni.

Personi naskinta en Grozni

• Mamed Saidovich Halidov^{ru en pl} – un ek la maxim bona Checheniana luktisti dil sporto MMA