Fuelo esas irga materio qua konservas energio extraktebla en kontrolata maniero. Ordinare ta energio libereskas kande ula materio, nomizita kombustivo, brulas ed eventas lua oxidigo, to esas, lua reakto kun l'oxo dil aero. Altra procedi por konvertar fueli ad energio inkluzas diversa exotermala kemiala reakti e nukleara reakti, quale fisiono o fuzado.

Nukleara reakto, en qua uranio uzesas kom nukleara fuelo.
Extraktado di petrolo, un del precipua fonti di fueli en la mondo.

Fosila fueli redaktar

Fosila fueli, quale terokarbono e petrolo, konsistas ek fosila restaji di animali e planti expozita ad alta preso e kaloro dum milioni di yari en absenteso di oxo. Ordinare on extraktas oli de subtero.

Biofueli redaktar

Biofuelo esas fuelo obtenata de rinovigebla fonti (biomaso), quale planti od animali. La maxim anciena fonto di biofuelo nun uzata esas ligno, ed on supozas ke homi ja uzis ol por produktar fairo cirkume 1,5 milion yari ante nun.

Nun, alkoholo pleas importanta rolo kom fuelo por vehili en Brazilia.

 Precipua artiklo: Bi-fuela vehili en Brazilia