Frédéric François Chopin
Profesiono: kompozisto
Lando: Polonia
Naskodato: 22 di februaro 1810, 1 di marto 1810
Nasko-loko: Mazovia, Polonia
Mortodato: 17 di oktobro 1849
Morto-loko: Paris, Francia

Frédéric François Chopin (naskinta Fryderyk Franciszek Chopin) (1810 til 1849) esis Poloniana-Franciana kompozisto e pianisto.

Lua kompozuri, quale la funerala pianosonato e la duadek e quar études (studii), esas large konsiderita esar inter la maxim bona repertorio pianala. Il esas ofte konsiderita kom un de la precipua romantiki di 19ma yarcento. Il esas anke karikatisto.

Frua vivo redaktar

Il naskis en Żelazowa Wola, 46 km weste de Warszawa. Ilua patro, qua esis amatora muzikanto, esis Franculo qua migrabis a Polonia en 1787. Sis monati pos la nasko, la familio translojis a Warszawa. Frédéric havis intereso pri muziko de frua evo, e komencis koncertar evante sep yari.

Il studiis ye la Konservatorio di Warszawa de 1826 til 1829. La du piano-koncerto-peci, nuntempe bone konocata, esis ambe kompozata en 1830; plu tarde en ta yaro il livis Polonia, e nultempe retrovenis.

Lasta yari redaktar

La 20ma di aprilo 1848 Chopin arivis en London por koncertoturo en Anglia. La turo aranjesis da Jane Stirling, muliero de richa Skota familio. El esis habila pianisto, qua divenabis studento di Chopin en 1843, ed esis dum-viva amiko di Chopin. En 15 di mayo Chopin pleis por rejino Victoria e princulo Albert. Dum la somero di ca yaro Jane Stirling duktis il a Skotia, ube il esis gasto ye la hemi di diversa richa familii quin el konocis, ma Chopin, qua parolis nur la Franca e Polona lingui, e havis mala saneso, ne juis ta experienci. Quankam esis rumori, ke Chopin intencis mariajeso a Jane Stirling, il ne esis amorema ad el. En 16 di novembro, en tre mala sanesala stando, il pleis lasta koncerto en London, e retrovenis kun el a Paris en 24 di novembro.

Altra redaktar

Un de lua amikini esis George Sand (pseudonimo).