Estoril
Estoril esas urbo en la municipo Cascais, Portugal, an la Portugalana Riviera.
Estoril esas famoza kom luxala amuzo-destino an la Portugalana Riviera, e hemo dil kazino Casino Estoril. Estoril esas un ek la maxim chera rezideyi en Portugal e l'Iberiana Peninsulo. Ol esas la hemo di granda ekmigrinto-komuneso e konocata pro sua luxala restorerii, hoteli, ed amuzo. Cascais ofte rangizesas pro sua alta vivo-qualeso; pro to ol esas un ek la maxim dezirinda habiteyi en Portugal.
Estoril esas importanta internaciona turisto-destino en Portugal, konocata pro sua luxala hoteli, plaji, e Casino Estoril, e kom la olima hemo di multa rejala familii e famoza personi. Livinta London pos la Abdiko-krizo en 1936, l'olima rezidanto di Francia la Duko di Windsor (ex-Rejo Edward la 8ma dil Unionita Rejio) voyajis per Estoril, pos livir Francia dum la Nazi-invado en 1940. Estoril esas anke konocata pro la notinda eventi quin ol gastigas, quala la teniso-turniro Estoril Open e la Filmo-Festivalo di Lisbon ed Estoril.
Nomo redaktar
Del Anciena Portugalana estorga (eriko) - frequa planto en ta areo - kun la senco "loko ube eriko kreskas od abundas". Alternative, de Anciena Portugalana astor (Nordala Acipitro), kun la senco "loko ube tal uceli habitas".
Historio redaktar
La teritorio di Estoril habitesas dum yarcenti, pro sua klimato e favoroza ambiento. En l'areo esas restaji de ta frua komunesi - Feniciani, Romani ed Arabi selektis ta areo pro lua strategiala loko en Westana Europa. Esas restaji de Romana "villa"- en l'areo del unesma yarmilo, kande la kolonii litorala dependis de la pesko-portui. De ta kolonii, Estoril heredis richa kulturala heredajo, arkitekturo, loko-nomi e kustumi.
En 1147, dum la Reconquista, la regiono konquestesis da kristani.
Pro lua strategiala loko, la regiono intime ligesis a la Portugalana Epoko di Deskovro, ed omna social e kultural subversi quin to produktis.
Olua solida fortifikuri atestas la sennombra ataki da hispana, franca ed angla pirati e korsari. La multa fuorti alonge la litoro simbolizas la rezisto e batali qui sekurigis portugalana nedependo e nacional interesti. Lor la fino dil monarkio, multi serchis refujo ed eskapo en Estoril. Aristokrati, nobeli ed altri eskapis per la portui alonge la litoro di Estoril por fugar de la Republikana armeo.
Kulturo e sporto redaktar
La Muzeo di Portugalana Muziko Casa Verdades de Faria havas importanta kolekturo de muzikal instrumenti qui relatas populara muziko, asemblita da Michel Giacometti.
La precipua lokala sporto-klubo esas la Grupo Desportivo Estoril Praia. Motorosporto-eventi esas frequa che la Circuito do Estoril, malgre ke Formulo Un ne plus eventas ibe. To esas pro ke la lico ne satisfacas la sekureso-normi dil FIA.
Estoril Open esas teniso-turniro en la Mondo-Turo ATP.