Enrico Caruso
Profesiono: kantisto di opero
Lando: Italia
Naskodato: 24 di februaro 1873, 25 di februaro 1873
Nasko-loko: Napoli, Italia
Mortodato: 2 di agosto 1921
Morto-loko: Napoli, Italia

Enrico Caruso (1873 til 1921) esis Italiana kantisto di opero, de 1895 til 1921.

Lucia di Lammermoor (1908).

Il naskis en Napoli, e de 1895 il aparis en operi en diversa teatri en Italia. En 1900 il ganis kontrato kun opero-domo La Scala, en Milano, ed ibe debutis kom Rodolfo en La bohème da Giacomo Puccini. En 1902 ilu registragis kansoni por gramofono; la diski esis populara, e to augmentis la famo di Caruso. Il unesmafoye aparis en Metropolitan Opera en New York en 1903, ed il pose ofte aparis en Usa. En 1918 il mariajis kun Dorothy Park Benjamin, de richa familio di New York.

Caruso fumis multe Egiptiana sigareti. Ca deletera kustumo, pluse la manko di korp-exercado e l'intensa rutino di prizentadi probable kontributis por lua mala saneso qua afliktis lu dum la lasta yaro di lua vivo. Il mortis ye la 2ma di agosto 1921 pos sufrinta dum plura monati pro grava maladesi.