Defenso di la magazini Sihang

Defenso di la magazini Sihang
Chiniana soldato kun mitralioso.
Konflikto: duesma milito Chiniana-Japoniana
Dato: de la 25ma di oktobro til la 1ma di novembro 1937
Loko: Zhabei, Shanghai, Chinia
Rezulto: Chiniani vinkis e retretis de la magazino.
Militanti
Republiko Chinia Japonian imperio
Komanderi
Xie Jinyuan Iwane Matsui
Trupi/equipuri
423 soldati, inkluzite komandinti nekonocata, ma equipita kun tanketi Te-Ke 94.
Perdaji
10 mortinti
37 vunditi
plu kam 200 mortinti
multa vehili destruktita o domajita
{{{perdaji}}}

La Defenso di la magazini Sihang (Chiniane: 四行倉庫保衛戰, Simpligita Chiniane: 四行仓库保卫战, pinyin: Sìháng Cāngkù Bǎowèi Zhàn), eventis de la 26ma di oktobro til la 1ma di novembro 1937, e markizis la fino di la tri-monata batalio di Shanghai dum la komenco di la duesma milito Chiniana-Japoniana.

La ferovoyala staciono norde de Shanghai, pos monati di lukti e bombardi.

La 423 defenseri di la magazino, pose surnomizita "l'Okacent Heroi" (Chiniane: 八百壯士, Simpligita Chiniane: 八百壮士, pinyin: Bābǎi Zhùangshì) o la Sola Lukteri, rezistis kontre multa ondi di Japoniana militisti por protektar la retreto di Chiniana trupi adweste, dum la batalio di Shanghai. Lor lietnanto-kolonelo Xie Jinyuan komandis la 423 soldati de la bataliono. La magazino esis 6-etaja alta edifico, un ek la maxim alta de ta zono. Chiniani konservis en l'edifico nutrivi, equipuri por unesma sokursi e municiono, inkluzite obusi, dum tota batalio.

La sucesoza defenso di la magazino levis la moralo di la Chiniana militisti, qui senkurajigesis kande Japoniani invadis Shanghai. La loko di la magazino esis trans la rivero Suzhou, ube exterlandani rezidis. Do, la batalio videsis direte da multa exterlandani. Pro to, dum kurta tempo l'internaciona komunitato povis pensar pri la supliko di Chiang Kai-shek a la mondo por militala suporto kontre l'atako da Japonian armeo.