Bogor
Kelk imaji pri Bogor.
Standardo Blazono
Lando: Indonezia
Informo:
Latitudo: 6°35'48"N
Longitudo: 106°47'50"E
Altitudo: 265 m
Surfaco: 118,5 km²
Habitanti: 1 043 070 (2020)
Denseso di habitantaro: 8800 hab./km²
Horala zono: UTC+7
Urbestro: Bima Arya (PAN)
Mapo di Bogor
Oficala retosituo:
www.kotabogor.co.id

Bogor (Nederlandana: Buitenzorg) esas urbo en la provinco West-Java, Indonezia.

Situita cirkume 60 kilometri sude de la nacionala chefurbo Jakarta, Bogor esas la 14ma maxim granda urbo di la lando. L'urbo kovras areo de 118,5 km2, e havis habitantaro 950.334 en 2010; la lasta ofical evaluo (en 2018) esis 1.096.828.

Bogor esas importanta ekonomiala, ciencala, kultural e turismala centro, ultre monto-vakanceyo.

Dum la Mezepoko, ol esis la chefurbo Sunda-Rejio (Indoneziana: Kerajaan Sunda) e nomesis Pakuan Pajajaran o Dayeuh Pakuan. Dum la nederlandana kolonial epoko, ol nomesis Buitenzorg ("Sen sucii" en la Nederlandana) e servis kom la somero-rezideyo dil Guvernero-Generala di Nederlandana Est-India.

Kun plura mil homi en areo de c. 20 km2, la centrala parto de Bogor esas un ek la maxim dense habitata arei dil mondo.

L'urbo havas prezidantala palaco e botanikala gardeno (Indoneziana: Kebun Raya Bogor) - un ek la maxim anciena e granda en la mondo.

Olua surnomo esas "la Pluvo-Urbo" (Kota Hujan), pro la frequa pluveti. Preske sempre pluvas mem dum la sika sezono.