Biblioteca Ambrosiana

Biblioteca Ambrosiana esas biblioteko en Milano.

La biblioteko esas un de la unesma biblioteki apertata por studianti, ed ol ankore nuntempe existas. Ol fondesis da kardinalo Federico Borromeo. Lua agenti serchis apta libri e manuskripti en plura landi, inkluzinta Grekia e Siria.

Konstrukto di la edifico por kontenar la libri e manuskripti komencis en 1603. Ol nomizesis por Ambrosius, la patronala santo di Milano, arkiepiskopo di la urbo dum la quaresma yarcento. Ye 8 di decembro 1609 la Biblioteca Ambrosiana apertesis.

Ye la komenco ol kontenis cirkume 8000 artikli e pose plusa artikli donacesis a la biblioteko. Kurte pos la morto di la Kardinalo en 1631, ol aquiris manuskripti da Leonardo da Vinci, inkluzante la Codex Atlanticus, qua esas diversa skriburi e skisuri da Leonardo en 12 tomi.