Besarabia (Gagauze Besarabiya, Rumane Basarabia, Ruse Бессарабия, Bessarabiya, Turke Besarabya, Ukrainane Бессара́бія, Bessarabiya) esas historiala regiono en estal Europa, inter fluvii Dnister este, e Prut weste. Cirkume 2/3 di Besarabia apartenas a la nuna Moldova e la cetera 1/3 apartenas ad Ukraina.

Besarabia en Moldavia, dum la historio
Kastelo Akkerman en Ukraina, un ek la maxim importanta fortifikuri che Besarabia.

Historiala Besarabia havas cirkume 45 630 km², e lua tereni esas ordinare kolinoza e kovrata da stepo. Lua suli esas fertila, e havas jaceyi di lignito. La habitanti di la regiono kultivas betravo, sunofloro, frumento, maizo, tabako, vitoberi e frukti.

Pos la milito Rusa-Turka e la sequanta "paco di București", princio Moldavia, tillore vasalo de Otoman imperio, cedesis a Rusa imperio. Pos la milito di Krimea en 1856, sudala parti di Besarabia itere cedesis a princio Moldavia, ma en 1878 la regiono itere cedesis a Rusa imperio kande Rumania nedependanteskis.