Belga Revoluciono
La Belga Revoluciono (France: Révolution belge, Ned: Belgische Revolutie/opstand/omwenteling, Germane: Belgische Revolution) esis la konflikto qua duktis al separo da la sudala provinci (precipue olima Sudala Nederlando) del Unionita Rejio di Nederlando, e l'establiseso di sendependa Rejio di Belgia.
La populo di la sudo esis precipue Nederlandane-parolanta flandriani e France-parolanta waloni. Amba populi esis tradicionale katolika kontraste le Nederlandana Reformita en la nordo. Multa liberali egardis la regno di Rejo Willem I kom despotatra. Esis alta niveli de chomeso ed industriala trublo che la laboristala klasi.
Ye 25 agosto 1830, sedicii eruptis en Bruxelles e butiki spoliesis. Teatro-vizitanti qui jus spektis la nacionalista opero La muette de Portici adheris la turbo. Revolti sequis altraloke en la lando. Fabrikerii okupesis e mashini destruktesis. Ordino kurte restauresis pos ke Willem komisis soldati a la Sudala Provinci, ma sedicii duris, e duktereso asumesis da radikali, qui paroleskis pri separo. Nederlando subisis amas-deserto da rekrutiti de la sudala provinci e retretis. La Staten-Generaal en Bruxelles votis favore separo e deklaris nedependo. Pose, Nacionala Kongreso asemblesis. Rejo Willem abstenis de futura militala agado e rekursis a la Granda Povi. La rezultinta London-Konfero di 1830 dal granda europana povi agnoskis belga nedependo.
Pos la instaleso di Leopold I kom "Rejo dil Belgi" en 1831, Rejo Willem tarde probis rikonquestar Belgia e restaurar sua poziciono per militala kampanio. Ta "Kampanio de Dek Dii" failis pro franca militala interveno. Erste 1839 Nederlando aceptis la decido di la London-konfero e belga nedependo per signatar la Pakto di London.