Batalio di Borodino
Batalio di Borodino, pikto da Louis-François Lejeune.
Konflikto: Napoleonala militi
Dato: 7ma di septembro 1812
Loko: Vilajo Borodino, proxim Moskva, Rusa imperio
Rezulto: Francia vinkas taktikale, e Napoléon kaptas Moskva.
Militanti
Grande Armée, Dukio Warszawa e Rhenana kunfederuro Rusa imperio
Komanderi
Napoléon Bonaparte
Michel Ney
Joachim Murat
Eugène de Beauharnais
Mihail Kutuzov
Pyotr Bagration
Michael Andreas Barclay de Tolly
Trupi/equipuri
130,000–190,000 soldati
587 kanoni
120,000–160,000 soldati
624 kanoni
Perdaji
c. 28 000 til 35 000 mortinti, kaptiti o vunditi (inkluzite 47 generali) 40,000–45,000 mortinti, vunditi o kaptiti (inkluzite 23 generali)
{{{perdaji}}}

La Batalio di Borodino (Ruse: Бородинское сражение, Borodinskoe srazhenie) en la kampanio di Rusia esis la maxim sangoza batalio qua eventis en unika dio, dum Napoleonala militi. Ol eventis ye la 7ma di septembro 1812, inter Grande Armée (108 000 soldati) komandita da Napoléon la 1ma, e la trupi de Rusa imperial armeo komandita dal generalo Mihail Kutuzov (140 000 soldati), proxim la vilajo di Borodino e la rivero Moskva. On kalkulas ke 70 000 til 80 000 soldati de la du armei mortis, vundesis o kaptesis dum ta batalio. Napoleonala trupi kaptis la precipua pozicioni sur la bataliagro, ma faliis destruktar la Rus armeo.

Strategiala konsideri e la granda perisi koaktis Rusi retretar morgo. La Batalio di Borodino esis esencala punto en la kampanio, pro ke esis la lasta atakema agado da Napoléon en Rusia. Per retreto, la Rus armeo prezervis lua militala potencialo e tandem povis pose ekpulsar Napoléon de la lando.

Batalio dil reduto di Shevardino redaktar

Rusi expektis ke Napoléon avancis tra la nova choseo de Smolensk a Moskva, do li extensis lia trupi strategiale ibe. Rusi anke havis pentagonala ter-fortifikuro cirkum la vilajo Shevardino, sinistre de la choseo.[1] Rapide Rusa generali parkomprenis ke lia sinistra flanko esis vundebla, e movis lia forci vers ibe. Rusa chefo di stabo Alexey Yermolov skribis en lua personala jurnalo ke Rusa trupi esis en movo sinistre kande Franca trupi arivis, plu balde kam li expektis. Ye la 4ma di septembro importanta kavalrio batalio. Morgo kun infantrio rinforci atakanta de westo e sudo la Franci kaptis ta reduto kun 4 000 perdaji kontre 7 000 de la Rusi.

La batalio redaktar

Rusa dextra flanko esis plu forta ma ne-acesibla por Franc atakeri, kontre ke la sinistra flanko ne havis defensiva protektado. Napoleon selektis la centro per la precipua shoko. Kun maxima suporto de Franc artilrio dum hori la batalio eventis proxim la reduto Raevsky, e rezultis cirkume 28 000 Franca perdaji (e multa kavali) kontre cirkume 44 000 Rusi.

Referi redaktar

  1. Alexander, Mikaberidze:The Battle of Borodino: Napoleon Against Kutuzov.  Publikigita da Pen & Sword.  Loko di publikigo: London. Dato di publikigo: 2007.