Shablono:Eventi: Diferi inter la revizi

Kontenajo efacita Kontenajo adjuntita
DavidW (diskutez | kontributadi)
Nula rezumo di redakto
DavidW (diskutez | kontributadi)
mNula rezumo di redakto
Lineo 6:
[[11 di septembro]] [[1971]]. Kosmosondilo ''Luna 18'' kolizionis kun la [[Luno]], e komuniki cesis. La skopo di ca misiono di USSR esis prenar specimeno di sulo de la surfaco e retro-voyajar a Tero; tala misiono ja facesis da ''[[Luna 16]]''. Ol lansesis ye 2 di septembro, ed atingis orbito cirkum la luno ye 7 di septembro; ol komunikis multafoye kun Tero ante ke decenso iniciesis. La regiono selektita por ''Luna 18'' esis montoza tereno, qua supozeble ne favoris sucesoza arivo.
<br><br>
[[12 di septembro]] [[1921]]. En Lwów, Polonia (nuntempa [[Lviv]] en [[Ukraina]]) la skriptisto [[Stanisław Lem]] naskis. Ilua unesma romano di cienco-fiktivajo, ''Człowiek z Marsa'' ("La homo de Marso") aparis kom serio en 1946. Ilua produktiveso kreskis pos 1956, kande libereso di parolado kreskis en Polonia; de 1956 til 1968 il skriptis dek-e sep libri. Ilua skriburi esis verki di cienco-fiktivajo ed esayi pri cienco e kulturo. La romano ''Solaris'' (1961), pri ciencisti qui esforcas komprenar inteligenta oceano en stranjera planeto, esis la fonto di filmi en 1972 e 2002.
<br><br>
[[11 di septembro]] [[1771]]. [[Mungo Park]], exploranto di westal [[Afrika]], naskis en Foulshiels, [[Skotia]]. Il exploris cirkume 1796 la plu alta parto di la [[Fluvio Nijer]], e skribis libro '' Travels in the Interior Districts of Africa'', en qua il sen-emoce detaligis sua observadi e la populi quin il renkontris, e spekulis ke la fluvii Nijer e [[Fluvio Kongo|Kongo]] divenas un fluvio. La libro esis populara ed influiva. Il mortis en 1806, dum duesma expediciono, voyajinte cirkume du-triimi di la longeso di la Nijer; ilua spekulajo restis ne-solvita til 1830, kande konstatesis ke la du fluvii esas separata.