Skriburo: Diferi inter la revizi

'''Skriburo''' esas la videbla expreso di pensajo e parolajo. Sen skriburo, savo transrecevesas kun helpo di memoro e la konteno di mesajo ne duras akurata. Sen la helpo di skriburi kulturala developo ne esabus posibla.

 

L'unesma skriburi naskis nedependente en vali di granda fluvii dum la [[3ma yarmilo aK]] (c. 5 500 yari ante nun). Komence, skribado esis desegnado di imaji. Skriburi havis kontakto kun nula linguo ma kun kozi qui prizentesis per imaji. Skriburi del populi [[populo Maya|Maya]] ed [[populo Azteka|Azteki]] esis imajo-skribaji, e ne omna ek lia texti dechifresis. Nuntempa [[trafiko-signo|trafiko-signi]] esas imajo-skriburi.

 

Romana (i.e. [[Latina alfabeto|Latina]]) literi naskis ye la [[7ma yarcento aK]] (c. [[660 aK]]). Greki havis nur mayuskuli (granda literi). Minuskuli (mikra literi) naskis erste ye la [[Mez-epoko]] sur bazo di granda literi. Karolinga minuskulo naskis kande [[Karolus la Magna]] imperis ke difereskinta stili di skriburi esez uniforma. Posa modifikuri di Latinal alfabeto esas nur alterni di diversa stili.

 

La '''direciono di skriburo''' esas en maxim anciena skribo-sistemo, exemple Chiniana, desupre adinfre komencante de punto dextra e supra. Lo esas maxim apta por la sinistra manuo. Sequante anciena skribo-sistemo, exemple Araba e Hebreana e Feniciana, komencas lua skribo anke de punto dextra e supra, ma la lineo avancas horizontale adsinistre. Anke lo esas maxim apta por la sinistra manuo. Greki turnis skriburo per komencar sinistre e supre, ed igar la lineo avancar horizontale addextre. Samatempe multa literi turnis 180˙, kelka literi nur 90˙. Pro co esas propozita, ke antee, en tre anciena pasinto, esis plu multe sinistra-manua homi kam nuntempe.