Shablono:Eventi: Diferi inter la revizi

[[29 di junio]] [[1971]]. Trovesis ke la tri membri di la misiono ''[[Soyuz 11]]'', arivinta ye Tero en kapsulo pos voyajo a spaco-staciono, esas mortinta. ''Soyuz 11'' esis misiono di USSR; la spaco-navo lansesis ye 6 di junio, e la voyajanti Georgy Dobrovolsky, Vladislav Volkov e Viktor Patsayev eniris ''Salyut 1'', la unesma spaco-staciono, ye 7 di junio. (To esis la unesma vizito a ''Salyut 1'', nam la voyajanti di Soyuz 10 faliis konektar lia navo kun la staciono; to anke esis la lasta vizito.) Li restis ibe dum 22 dii; dum ca periodo li facis experimenti, e facis brodkasti por televiziono. Esis konstatata ke la kauzo di la tragedio esis perdo di aero en la kapsulo dum preparado por ri-eniro aden l'atmosfero di Tero.

[[15 di junio]] [[1921]]. La unesma voyajo di la Franca navo ''[[Paris (navo)|SS Paris]]'' eventis. Konstruktado komencabis en 1913, ed ol lansesis en 1916; kompletigo tardigesis pro la unesma mondomilito. La navo, por oceanala voyajado, havis longeso 233 metri, ed ol esis en 1921 la maxim granda Franca navo. Ol esis luxoze equipata por pasajanti. En 1939 la navo bruleskis ye la doko di [[Le Havre]], e sinkis; ol restis ibe til 1947, e pose esis dispecigata ye la loko.