dum oktobrojanuaro<br>50, 100 e 400 yari ante nun …</center>
[[31 di januaro]] [[1971]]. Apollo 14 lansesis: Alan Shepard, Stuart Roosa ed Edgar Mitchell komencis voyajo a la [[luno]].
[[24 di oktobro]] [[1970]]. La Kongreso di [[Chili]] selektis [[Salvador Allende]] kom Prezidanto. Il naskis en 1908; il esis politikisto depos la 1930-yardeko, kande il esis prezidanto di la Socialista Partiso di Chili. En 1938 il divenis Ministro di Saneso en la guvernado di Pedro Aguirre Cerda. Pos plura esforci divenar prezidanto, il sucesis pos la elekto di 1970. En septembro 1973 il esis forpulsata de l'ofico en militala stroko.
<br><br>
[[21 di januaro]] [[1921]]. La filmo ''The Kid'', da [[Charlie Chaplin]], unesmafoye videsis. Ol esis ilua unesma filmo di plena longeso (68 minuti). La filmo esis sucesoza, e nuntempe esas egardata kom un ek la maxim notinda de la ero di muta cinemo. ''The Kid'' kombinas dramato e komedio; Chaplin pleas vaganto, ja vidita en ilua antea filmi, qua adoptas yunulo, pleata da Jackie Coogan, lor evante sis yari. Coogan pose divenis notinda puero-aktoro en filmi.
[[3 di oktobro]] [[1920]]. En Paris, la ''Prix de l'Arc de Triomphe'', notenda kaval-kuro, unesmafoye eventis. La kuro nomizesis por la Triumf-arko en Paris, ube parado eventis en 1919 pos la unesma mondo-milito. La vinkanto di la unesma evento esas la kavalo Comrade. La kuro esas sen obstakli e la disto esas 2400 metri; ol nuntempe esas la maxim richa kuro sen obstakli sur gazono.
<br><br>
[[1621]].
[[20 di oktobro]] [[1620]]. La Nederlandana piktisto [[Aelbert Cuyp]] naskis. Lua patro Jacob Cuyp esis portreto-piktisto ed altra membri di la familio anke esis artisti. Aelbert esis piktisto di peizaji de [[Nederlando]]. Ilu divenis famoza pro granda pikturi en qua la lumo di frua matino o tarda vespero augmentas la efiko di la reprezenteso di la ceno. Ilu esis un ek la maxim importanta inter la piktisti de ta notinda periodo di Nederlandala arto. Ilu ne voyajis multe; pos ilua mariajeso en 1658 ilu preske cesis piktar. Il divenis eminenta en Dortrecht, tenante diversa civitala ofici. Ilu mortis en la urbo en 1691.
