Indonezia: Diferi inter la revizi

Pri [[literaturo]] la maxim anciena evidentajo pri skripturi en Indonezia evas de la 5ma yarcento, e skribesis en [[Sanskrita linguo]]. Multa de la populi Indoneziana havas forta parolala tradicioni, qui prezervas lia kulturala identeso. La Nederlandana skriptisto [[Multatuli]] denuncis la violento koloniala, violento ed influis multe la lokala skriptisti. [[Mohammad Yamin]] e [[Hamka]] esis du importanta nacionalista skriptisti ante la nedependo. [[Pramoedya Ananta Toer]] (1925-2006) esis la maxim famoza novelisto Indoneziana, dum ke [[Chairil Anwar]] (1922-1949) esis importanta poeto.

Existas multa formi di [[muziko]] asociata a [[teatro]] e [[danso]] tradicionala. Li multafoye pleesas kun tradicionala intrumenti de origino Chiniana, Indiana ed Indochiniana. La jenro ''Kroncong'' originis de [[Portugal]]ana muziko adportita dum la 16ma yarcento e pleesas kun ''[[ukelele]]'' e gitari. La jenro ''Jaipongan'' havas komplexa ritmi ed esas desfacila por dansar por la maxim multa auderiaskolteri. Ol inventesis pos ke [[Sukharno]] proskriptis [[rock]] dum la yari 1960ma. La moderna muziko influesas dal [[pop]] Usana e Britaniana, da [[rock]] e da [[jazz]].

L'unesma [[cinematografuro]] produktita en Indonezia evasesas de la yaro 1926. Pos la [[yari 1980ma]], la [[cinemo]] produktita en la lando divenis multe populara. De 2000 til 2005 la quanto di nova cinematografuri lansita kreskis omnayare.

La [[sporto|sporti]] en Indonezia praktikesas precipue da viri. La maxim populara sporti esas [[badminton]] e [[futbalo]]. La esquado Indoneziana ganis la tale nomizita ''Thomas Cup'', pri [[badminton]]. La ligo ''GO-JEK Traveloka Liga 1'' esas la precipua futbalo-konkurso di la lando. Ol disputesas omnayare da 18 esquadi.