Kande il esis kandidato por la prezidanteso, Trump promisis ke il publikigos detali pri lua imposti e financi. Tamen il neniam publikigis la kustumala informo publigita da prezidanti Usana. Multa Demokrati intencis koaktor lu publikigar oli, se li ganos majoritato en la Kongreso.
Donald Trump esas senprecedente okupata en sua propra aferi komercala. Plura voci avertis pri la risko ke altra landi esforcus influar la prezidanta per pagar sua komerci. Kelka jurnalisti asertas ke Trump, qua ofte uzas sua propra proprietaji por aferi guvernal, su richigas per kontar alta preci por ica uzo dal guvernerio.
Anke il kritikesis pro sua interrelato kun extreme nacionalista e rasista personi. Pos ocido kontre Heather Heyer dal tre dextra rasista extremisto en [[Charlottesville]] ed atenti kontre altra, precipue Afro-Usana homi, Trump long-tempe vartis ante il repudiis la kulpanti. Kande il fine publikigis repudio, ilu anke repudiis la sinistra kontre-protesteri.
