|
<center>'''en historio'''<br>
dum aprilojulio<br>50, 100 e 150250 yari ante nun …</center>
[[1970]].
[[11 di aprilo]] [[1970]]. La misiono [[Apollo 13]] komencis: James Lovell, John Swigert e Fred Haise livis Tero e voyajis vers la [[Luno]]. La intenco esis atingar la surfaco ed explorar areo proxim la kratero Fra Mauro. Dum la voyajo, tanko kontenanta oxo faliis, e la intencata misiono ne povis durar. Lovell e lua kolegi mustis transferar su a la lunala modulo, por transvivar voyajo cirkum la luno e retroe vers Tero; restriktita vivo-moyeni en la komando-modulo tale esis konservata til la finala parto di la voyajo. Li sucesoze rivenis ye 17 aprilo.
<br><br>
[[1920]].
[[15 di aprilo]] [[1920]]. En [[Stuttgart]], la politikisto [[Richard von Weizsäcker]] naskis. Ilua patro Ernst von Weizsäcker esis diplomacisto, ed avulo Karl von Weizsäcker esis chef-ministro di la Rejio di Württemberg. De 1954 il esis membro di la partiso CDU, ed il divenis membro di la ''Bundestag'' en la federala elekti di 1969. Il unesmafoye esis kandidato por Prezidanto di [[West-Germania]] en 1974. Il esis elektata kom Prezidanto en 1984, ed il retenis la ofico til 1994: de 1990, di la unionita [[Germania]].
<br><br>
[[1 di julio]] [[1770]]. La Kometo di Lexell atingis minima disto de Tero, cirkume sis-foye di la disto de Tero a la luno. La kometo deskovresis ye 14 junio 1770 da Charles Messier. Dum la sequanta dii ol divenis plu brilanta, e ol videsis da altra astronomi. Ye minima disto la centro di la kometo, observata de Tero, esis tre granda. Ol lasta-foye videsis da Messier ye 3 Oktober, ed ol nultempe pluse videsis. Anders Johann Lexell kalkulis la orbito di la kometo, e konjektis ke la planeto [[Jupitero]] perturbis olua orbito, ante e pos olua aparo proxim Tero.
[[30 di aprilo]] [[1870]]. En Komáron, en la Rejio di Hungaria, la kompozisto [[Ferenc Lehár|Franz Lehár]] naskis; ilua patro esis direktisto di militala orkestro di la Austro-Hungariana armeo. Il studiis violino ye la Konservatorio di [[Praha]]. En 1902 il divenis direktisto ye la ''Theater an der Wien'' en [[Wien]], e frua opereto di lu esis produktata dum ta yaro ye la teatro. Ilua maxim famoza opereto ''Die Lustige Witwe'' ("La Joyoza Vidvino") esis unesmafoye pleata ye la teatro en 1905. Plu tarde, ilua opereto ''Das Land des Lächelns'' ("La Lando di Rideti"), di 1929, esis sucesoza.
|
