Versiono ye 16:17, 31 okt. 2019 redaktar DavidW (diskutez \| kontributadi) 2 538 redaktoj mNula rezumo di redakto ← Plu anciena versiono		Versiono ye 09:25, 30 nov. 2019 redaktar desfacez DavidW (diskutez \| kontributadi) 2 538 redaktoj Nula rezumo di redakto Plu recenta versiono →
Lineo 1: <center>'''en historio'''<br> dum ~~novembro~~decembro<br>50, 100 e ~~300~~150 yari ante nun …</center> [[2 di decembro]] [[1969]]. La [[Boeing 747]], la originala "Jumbo Jet", facis unesma flugo kun pasajeri. Ol portis 191 personi, de qui 110 esis jurnalisti e fotografisti. Quar hori e du minuti pos departo de la probo-loko di Boeing ye [[Seattle]], l'aeroplano arivis ye [[New York]], ibe salutate da [[Charles Lindbergh]], qua en 1927 unesmafoye flugabis sole trans la [[Atlantiko]]. [[14 di novembro]] [[1969]]. [[Apollo 12]] esis lansata vers la [[luno]], portante tri homi. La misiono esis la duesma en qua homi arivis sur la luno. Charles "Pete" Conrad ed Alan L. Bean arivis ye 19 di novembro sur ''Oceanus Procellarum'', ye loko proxim la kosmosondilo [[Surveyor 3]], qua jacabis ibe depos aprilo 1967. Dum la tempo ye la surfaco, Conrad e Bean marchis a Surveyor 3 e prenis parti de la sondilo por analizo ye Tero. Li anke kolektis roki ed erektis aparati qui transmisus sismala ed altra mezuri a Tero. Conrad, Bean e Richard F. Gordon, qua restis en orbito cirkum la luno dum ca exkursi, arivis ye Tero ye 24 di novembro. <br><br> [[3 di decembro]] [[1919]]. En [[Kanada]], la Ponto di Québec apertesis. Olua longeso esas 987 m, la centrala extendo esante 549 m; ol transiras la Fluvio St. Lawrence, de Urbo Québec a Lévis. Tala projeto konsideresis en 1852, e plurafoye pose; kompanio por konstruktar la ponto esis establisata en 1887 ma konstruktado komencis plura yari pose. La ponto, preske kompleta, krulis en 1907; 75 laboranti mortis. Ol esis ri-desegnata, ma en 1916 la centrala segmento falis aden la fluvio dum pozado, e 13 laboranti mortis. La ponto esis fine kompletigata en agosto 1919. [[9 di novembro]] [[1919]]. La kartun-kato [[Felix la Kato]] unesme aparis, en la filmo ''Feline Follies''. Ol esis sucesoza, e plusa filmi produktesis; la kato, iniciale nomizita Master Tom, nomizesis Felix en la triesma filmo ''The Adventures of Felix'' en decembro 1919. Felix esis la unesma populara animita karaktero, e dum la 1920-yardeko Felix aparis sur postkarti, ludili e ceramikaji. Ye la fino di la yardeko, kande kartun-filmi kun sono apareskis, notende di [[Mickey Mouse]], ilua populareso deskreskis. <br><br> [[1869]]. La romano ''Война и мир'' ("Milito e Paco") da [[Lev Tolstoy]], aparis unesmafoye en toteso, pos aparo seriale inter 1865 e 1867, kun titulo ''La yaro 1805''. La unesma skisuro di la verko esis kompleta en 1863. Pozata en la periodo 1805 til 1820, la rakonto traktas la invado di [[Napoléon la 1ma\|Napoléon]] aden [[Rusia]], ed olua influo sur kin aristokrata familii. Parti de la verko esas filozofiala diskutado; Tolstoy konsideris ke ol ne esas romano, opinionante ke ''Anna Karenina'' (1878) esis ilua unesma vera romano. [[14 di novembro]] [[1719]]. En [[Augsburg]] naskis [[Leopold Mozart]], violinisto, kompozisto e patro di [[Wolfgang Amadeus Mozart]]. En 1737 il translojis a [[Salzburg]] por studiar filosofio e lego-cienco ye la universitato. En 1740 il divenis profesionala muzikisto, kom violinisto e chambristo di kanoniko ye la universitato. Il mariajesis ad Anna Maria Pertl en 1745; de lia sep filii, du posvivis infanteso: Maria Anna (naskinta 1751) e Wolfgang Amadeus (naskinta 1756).

Shablono:Eventi: Diferi inter la revizi