Berlin: Diferi inter la revizi

Berlin subisis granda destruktado dum la [[duesma mondomilito]]. Granda parto dil urbo destruktesis dum la bombardi de 1943 til 1945, e dum la [[batalio di Berlin]]. Cirkume 125,000 civili mortigesis. Pos la fino dil milito l'urbo recevis granda nombro de refujanti de l'anciena estala provinci di Germania. Berlin dividesis (quale Germania) en quar sektori: [[Britania]]na, [[Francia|Franca]], [[Usa]]na e [[Sovietia|Sovietiana]]. La tri unesma sektori formacis ensemble West-Berlin; la lasta esis Est-Berlin.<ref>{{cite web|url=http://www.fdrlibrary.marist.edu/psf/box31/t297c01.html|title=Agreement to divide Berlin|work=FDR-Library|accessdate=18ma di agosto 2008}}</ref>

 

En [[1948]], kande la [[Federiti de la duesma mondomilito|Westala federiti]] decidis expansar la valuto-reformo adoptita en la westala zono di Germania, [[Sovietia]] reagis per blokuso di aceso-voyi a westala Berlin, qua esis komplete cirkondata da Est-Germania. Konseque, la tri westala federiti decidis provizar West-Berlin tra aero, de [[24ma di junio]] [[1948]] til [[12ma di mayo]] [[1949]].<ref>{{cite web|url=http://www.western-allies-berlin.com/historic-events/detail/airlift-blockade|title=Berlin Airlift / Blockade|publisher=Western Allies Berlin|accessdate=18ma di agosto 2008}}</ref> Plu kam 200,000 flugi transportis preske 9 toni de vari omnadie dum la blokus-epoko.

 

 

En [[1990]], lor la fino dil [[Kolda milito]] e la riunigo di Germania, Berlin ridivenis la chef-urbo di tota Germania. La muro destruktesis e nur fragmenti di ol ankore existas.