[[5 di januaro]] [[1970]]. La fizikisto [[Max Born]] mortis, evante 87 yari. Il naskis en [[Breslau]] en 1882, e; de 1901 il studiis ye la universitati en Breslau, Heidelberg e Zurich. De 1904 il esis akademiano ye la universitato di [[Göttingen]]. Ta L'universitato dum la 1920-yardeko divenis importanta en la fako di fiziko, pro ilua direktado. En 1933 il ekmigris a Britania, ube il esis akademio en [[Cambridge]] e de 1936 en [[Edinburgh]]. Il retretis en 1954 a [[Bad Pyrmont]] en West-Germania. En ta yaro il ganis Nobel-premio en fiziko, por ilua explorado di [[quantumo mekaniko|quantumo-mekaniko]].
<br><br>
[[20 di januaro]] [[1920]]. En Rimini, Italia, la filmifisto [[Federico Fellini]] naskis. Pos skribir dramati por plura filmi, la unesma filmo direktata da lu, ''Luci del varietà'', qua ne esis sucesoza, aparis en 1951. En 1960 aparis ''La Dolce Vita'', qua esis tre sucesoza; ol ganis la "Palme d'Or", la maxim alta premio, ye la filmo-festo en [[Cannes]]. Dum ilua kariero il ganis kin Akademiala Premii (le "Oscar"), la lasta, en 1993, por ilua dumviva prodajo. Il mortis plu tarde en ta yaro.
<br><br>
[[2 di januaro]] [[1870]]. KonstruktadoEn [[New York]], konstruktado komencis di la Brooklyn-ponto, qua konektas [[Manhattan]] kun l'estala distrikto Brooklyn. La ponto desegnesis da John Augustus Roebling; dum surveyado di la konstruktado-loko, il sufris vunduro e mortis kurte pose. La projeto pose direktesis da lua filiulo Washington Roebling. Debiligita pro deskompreso-maladeso, il direktis la projeto de sua apartmento de qua il povis spektar la laboro; ilua spozino Emily multe helpis il. Ye 24 di mayo 1883 la ponto apertesis. En la aperto-ceremonio, Emily Roebling esis l'unesma qua iris trans la ponto per veturo.
