Rumania: Diferi inter la revizi

Dum Otoman okupo [[rurano|rurani]] en Valakia e Moldavia divenis serfi, e ne povis abandonar lia vilaji. Li mustis verkar por konstruktar ponti e por reparar chosei.<ref name="Visit"/>. En [[1699]] [[Transilvania]] divenis parto di [[Habsburga imperio]]. Habsburgi expansis su ed en [[1718]] li okupis [[Oltenia]], lor parto di Valakia. En [[1812]] [[Rusa imperio]] okupis l'esto di Moldavia.

 

Dum l'epoko di okupi, Rumani sive ne judikesis kom civitani, sive judikesis kom "civitani de klaso inferiora". En [[1821]] ed itere en [[1848]] eventis revolti en Valakia; en 1848 ank en Moldavia. En [[1859]] Moldavi e Valaki elektis [[Alexandru Ioan Cuza]] kom lia princo. Rumania divenis monarkio komplete nedependanta del Otomani en [[1877]].

 

De [[1878]] til [[1914]] eventis periodo di politikala stabileso. Lando restis neutra dum l'[[unesma mondomilito]] til [[1915]], ma pos intensa preso la sequanta yaro, ol deklaris milito kontre [[Austria-Hungaria]] ye la [[27ma di agosto]] [[1916]].

 

Dum la [[duesma mondomilito]], Rumania probis restar neutra, ma ye la [[28ma di junio]] [[1940]] ol recevis ultimato de [[Sovietia]], e cedis [[Besarabia]] e [[Bukovina]]. Ta faktori koaktis l'uniono kun [[nacional-socialista Germania]]. Lora rejulo [[Carol la 2ma di Rumania|Carol la 2ma]] abdikis en [[1940]], e generalo [[Ion Antonescu]] asumis la povo. Pos l'invado di Sovietia da Germania, Rumania, komandita dal marshalo Antonescu, rekuperis Besarabia (nun ol esas la nedependanta [[Moldova]]) e Bukovina. Antonescu anke permisis la masakro di [[judo|judi]] e [[cigano|cigani]] en Rumaniana teritorio: on kalkulas 280.000 til 380.000 judi e 11.000 [[cigano|cigani]] perisis dum Rumana [[holokausto]].

 

En agosto [[1944]] Antonescu arestesis pro ordeni dal rejulo [[Mihai la 1ma di Rumania|Mihai la 1ma]], e Rumania decidis suportar la [[Federiti de la duesma mondomilito|westala federiti e Sovietia]]. Tamen, ta rolo en la vinko di Germania ne agnoskesis dum la paco-konfero di Paris, en [[1947]]. Rumaniana rejo Mihai la 1ma abdikis, Rumania cedis Bukovina e Besarabia a Sovietia, e la lando divenis [[komunismo|komunista]] republiko kun [[Nicolae Ceaușescu]] en la povo. Ceausescu komencis nacionaligar entraprezi, kolektigar la plantacerii, ed enplantacar terora rejimo, exekutita da la sekreta polico ''Securitate''.