Belize: Diferi inter la revizi

Dum kelka tempo eventis konflikti inter [[Anglia|Angli]] e Hispani pri Yukatan. Fine Britaniani kaptis la regiono pos milito, en [[1796]]. [[Sklaveso]] abolisesis en Britanian imperio en [[1838]]. Tamen, poka kozi chanjis por la laboristi en la regiono di Belize. En [[1862]] [[Unionita Rejio]] formale deklaris Belize kolonio di Britaniana Krono, subordinita a [[Jamaika]]. Kom kolonio, Belize komencis atraktar kolokinti, exemple l'entraprezo ''Belize Estate e Produce Company'', qua divenis proprietero di cirkume 50% de la [[privata proprieto|privata proprieti]] di Belize.

 

L'exploro di [[ligno]], nome [[mahagono]], esis la precipua ekonomial agado di la kolonio, ma ol preske krulis dum la [[yari 1930ma]] pos l'[[ekonomiala krizo di 1929]]. L'ekonomiala situo plubonigis dum la [[Duesma mondomilito]], kande granda nombro di Belizeani eniris l'armeo, o kunlaboris por laboro por la milital esforco. Pos la milito, l'ekonomio itere stagnesis. La decido di [[Unionita Rejio]] pri diminutar la valoro dil Dolaro di Honduras (lokala valuto) domajis pluse l'ekonomiala situo, ed enduktis la kreado di ''People's Committee'' (populala komitato), partiso qua defensis la [[nedependo]]. La sucedinto di Populala Komitato, ''People's United Party'' - PUP - demandis konstitucala reformi por grantar voto-yuro por omna adulti.