Sankt-Peterburg: Diferi inter la revizi
Kontenajo efacita Kontenajo adjuntita
+texto, imaji, referi |
+texto, imaji, referi |
||
Lineo 92:
Pos 1991, Sankt Peterburg e kelka ek lua historiala suburbi, exemple Peterhof, listizesas kom Mondala Patrimonio di la Homaro, segun l'[[UNESKO]]. La [[muzeo]] ''Hermitage'' esas la 2ma maxim granda artala muzeo de la mondo, e fondesis en 1764 kande lora carino [[Yekaterina la 2ma di Rusia|Yekaterina la Granda]] kompris granda quanto di pikturi de la Germana komercisto Johann Ernst Gotzkowsky. La muzeo apertesis publike en 1852. Lua kolekturo kontenas plua kam 3 milion objekti, di qui cirkume 1/3 formacas lua [[numismatiko|numismatikala]] kolekturo.<ref>[http://www.hermitagemuseum.org/wps/wcm/connect/6b172326-4c3c-45c5-a3c2-182056a64777/The+State+Hermitage+Museum+Annual+Report+2013.pdf?MOD=AJPERES Page 20]</ref> La kolekturi okupas 6 edifici alonge la Palaca taluso, inkluzite la [[Vintrala Palaco]], l'antea domego dil Rusa imperiestri. De la 6 edifici dil komplexo, 5 esas apertata por publika vizito: la [[Vintrala Palaco]], la Mikra Hermitage, l'Anciena Hermitage, la Granda Hermitage, e la Teatro Hermitage.
;Altra muzei:
[[Arkivo:Russian_museam.JPG|thumb|250px|Muzeo Rusa.]]
* La Muzeo Rusa, antee ''Muzeo Rusa de la Sinioro Imperiestro Alexander la 3ma'' jacas an la Placo dil Arti, e kontenas la maxim granda kolekturo di Rusa arto. Ol inauguresis ye la 13ma di aprilo 1895, dal caro [[Nikolai la 2ma di Rusia|Nikolai la 2ma]].
* L'anciena apartamenti del artisti [[Alexander Pushkin]], [[Fyodor Dostoyevski]], [[Nikolai Rimsky-Korsakov]], [[Feodor Chaliapin]], [[Alexander Blok]], [[Vladimir Nabokov]], [[Anna Akhmatova]], [[Mikhail Zoshchenko]] e [[Joseph Brodsky]] transformesis en muzei qui rakontas lia vivi.
* La Muzeo pri Politikala Historio prizentas la historio dil urbo dum Sovietiana rejimo, kontre ke la Muzeo dil Blokuso rakontas la historio dil urbo dum la siejo Germana, de 1941 til 1944.
* La muzeo ''Kunstkamera'' konsideresas l'unesma muzeo di Rusia. Ol inauguresis en 1714 da [[Petrus la 1ma di Rusia|Petrus la Granda]], e lua kolekturo havas plu kam 2 milion objekti. Ol jacas an la nomizita ''Universitetskaya taluso'', afrontanta la Vintrala Palaco. Parto ek lua kolekturo montresas en la "Muzeo Petrus la Granda pri [[Antropologio]] ed [[Etnografio]]", kreita en 1879.
[[Arkivo:Подводная_лодка_Джевецкого.JPG|thumb|250px|[[Submara navo]] ''Dzhevetskiy'']]
* La Centrala Navala Muzeo esas un ek la maxim granda navala muzei de la mondo. Ol fondesis da Petrus la Granda e prezervas lua naveto ''Botik'', la projeto [[submara navo]] ''Dzhevetskiy'', e plu kam 719 mil altra objekti, inkluzite 56.000 maristal uniformi.
* La Muzeo pri Zoologio di Sankt Peterburg establisesis en 1931. Ol prezervas granda kolekturo di fishi, uceli, insekti ed altra senvertebra animali, amfibii e reptile. Ank existas exemplero pri [[mamuto|lanugoza mamuto]], e 27-metra longa skeleto pri [[baleno blua]].
* La Ferovoyala Muzeo di Rusia jacas proxim la staciono ferovoyala ''Baltiysky'', e prezervas rara exempleri pri vapora lokomotivi, inter lua 3.500 objekti.
* La Centrala Muzeo pri la Sulo ''V.V. Dokuchaev'' prezervas multa exempleri pri roki e [[sulo|suli]] de la mondo, de l'[[Artiko]] a [[Nova-Zelando]].
;Teatro e muziko:
[[Arkivo:Spb_06-2012_MariinskyTheatre.jpg|thumb|250px|Teatro ''Mariinsky''.]]
Sankt Peterburg havas plua kam 50 teatri, esanta la maxim famoza la Teatro ''Mariinsky'', nomizita ''Teatro Kirov'' dum la Sovietian epoko. Ol inauguresis ye la 2ma di oktobro 1860, e famoza kompozisti Rusa, exemple [[Modest Mussorgsky]], [[Pyotr Chaikovski]], [[Nikolai Rimsky-Korsakov]] prizentis lia maestroverki ibe. Lua nomo ''Mariinsky'' homajas l'imperiestrino Maria Alexandrovna, spozino dil imperiestro [[Alexander la 2ma di Rusia]].
La Teatro Mihailovsky,<ref>{{cite web|url=https://mikhailovsky.ru/en/|title=Mikhailovsky Theatre - Mikhailovsky Theatre St Petersburg}}</ref> inaugurita en 1833, esas un ek la maxim anciena teatri e [[baleto]]-domi di Rusia. En 1918 ol transformesis en [[opero]]-domo. Nune ol gastigas muzikala e dansala spektakli.
La Konservatorio di Sankt Peterburg fondesis en 1862 dal kompozisto [[Anton Rubinstein]]. Inter lua maxim famoza studenti esis [[Pyotr Chaikovski]], [[Sergei Prokofiev]] e [[Dmitri Shostakovich]].
Jacanta an l'avenuo ''Nevski Prospect'', la Teatro Alexandrinsky apertesis ye la 31ma di agosto 1832. Projetita dal arkitekto Carlo Rossi, nune ol konsideresas parto del Historiala Patrimonio dil Homaro de la centro di Sankt Peterburg.
;Altra loki:
[[Arkivo:Римско-католический собор Святой Екатерины 3.JPG|thumb|250px|Kirko Katolika di Santa Katarina.]]
* La Katolika Kirko di Santa Katarina, an l'avenuo ''Nevsky Prospekt'' komencis konstruktesar en 1710 pos ke l'imperiestro Pyotr la Granda permisis la konstrukto di katolika kirki che la urbo. Ol inauguresis ye la 7ma di oktobro 1783, pos 2013 ol esas l'unika kirko katolika en Rusia qua portas la titulo [[baziliko]].
* La Katedralo di Santa Isaac (Ruse: Исаа́киевский Собо́р, ''Isaakievskiy Sobor''), projetita dal Franca arkitekto Auguste Montferrand, esas la maxim granda baziliko ortodoxa del urbo. Lua konstrukturo duris dum 40 yari, de 1818 til 1858. Pos 1931 ol transformesis en muzeo, e nune vizitesas da cirkume 1 milion turisti omnayare.
* La katedralo navala di Kronstadt (Ruse: Морской Никольский собор, ''Morskoj Nikol'skij sobor'') konstruktesis de 1903 til 1913, homajanta omna maristi mortinta. Dum la komunista rejimo ol transformesis en cinemo e pose en muzeo. En 2013, dum lua cent-yara aniversario, ol itere divenis ortodoxa katedralo.
[[Arkivo:Spb_06-2017_img40_Krestovsky_Stadium_(cropped).jpg|thumb|250px|[[Stadio]] ''Krestovsky'']]
* La [[futbalo]]-[[stadio]] ''Krestovsky'' o ''Gazprom Arena'' esas la domo-stadio dil klubo ''FC Zenit Sankt Peterburg''. Ol inauguresis en 2017 por la Kupo di la Kunfederuri, ed uzesis por kelka partii dum la [[Mondala Kupo di Futbalo]] di 2018. Lua konstrukto-kusto superiris US$ 1 miliardo, ed ol konsideresas un ek la maxim chera stadii de la mondo.
== Referi ==
| |||