La '''standardo di [[Nederlando]]''' ([[Nederlandana linguo|Nederlandane]]: ''Vlag van Nederland'') esas horizontala kun tri kolori: reda, blanka, e blua.
Varianti dil [[standardo]] uzesas depos 1572, ed en 1937 la standardo oficale formaligesis kom la nacionala standardo dil [[Rejio di Nederlando]]. Ol esas la maxim oldaanciena trikolora standardo ankore en nacionala uzo ed influis la [[Rusia|Rusa]] standardo (1693), ica standardo suafoye influis mult altra [[Europa|Europana]] ed [[Afrika|Afrikana]] flagistandardi. La Nederlandana standardo distingesas del standardo di [[Luxemburgia]] qua havas plu hela nuanco de blua. La simileso inter la standardo di Luxemburgia e la Nederlandana standardo produktis nacionala debato en Luxemburgia porpri chanjar la standardo.
En la flag-instruciono di la ''[[Ministerie van Algemene Zaken]]'' pri la standardo, la kolori esas nomizita: ''brilanta cinabrea'', ''brilanta blanka'' e ''kobaltblua''. Pri la dimensioni dil standardo esas nula reguli. En la standardo-lego di 1937 la proporciono inter alteso e longeso establisesis kom 2:3, e ordinare ica proporciono ankore sequesas. La tri bendi esas egale alta.
