[[Arkivo:Map-Novi Belgii Novæque Angliæ (Amsterdam, 1685).jpg|350px|thumbnail|Mapo di Nova-Nederlando, 1685.]]
'''Nova-Nederlando''' (en la Nederlandana ''Nieuw-Nederland'') esis koloniala provinco di la [[Republiko di la sep unionita Nederlandi]] dum [[17ma yarcento]] en la esta rivo di nordanordal Amerika.
Ye la [[44ma di mayo]] [[1626]] [[Peter Minuit]], nominita kom direktanto di Nova-Nederlando da la ''Geoctroyeerde Westindische Compagnie'', arivis a ca kolonio en norda [[Amerika]]. Nova-Nederlando, qua kreesis kom komercala entraprezo, precipue di furi, esabis provinco di la republiko di Nederlando depos [[1624]]. Minuit decidis, ke la chef-urbo di la kolonio situesos sur la insulo [[Manhattan]]; ye 24 mayo di ca yaro il kompris ca insulo de la lokala indijeni. Segun legendo, il kambiis komercaji valoranta 60 gulden por la insulo. L’indijeni probable prizis la komerco, pro ke li povis future egardar la koloniisti kom asociiti e fidinda komercisti. Ye la suda extremajo di Manhattan konstruktesis Fuorto Amsterdam; exter la muri di la fuorto kreskis urbo [[Nov-Amsterdam]] (la futura [[NovaNew York]]), qua ganis municipala charto en [[1653]].
