Baroko: Diferi inter la revizi

Kontenajo efacita Kontenajo adjuntita
Pagino kreesis kun 'thumb|300px|[[Baldakino e koreyo di la Baziliko di Santa Petrus.]] '''Baroko''' esas stilo di arkitekturo, muziko ed arti t...'
(Nula difero)

Versiono ye 10:09, 17 jun. 2018

Baroko esas stilo di arkitekturo, muziko ed arti tre multe ornita e freque extravaganta, qua prosperis de la komenco dil 17ma yarcento til la fino dil 18ma yarcento. Ol sequis la Renesanco e precedis Neoklasikismo. Baroko stimulesis dal Katolik-eklezio por kontrastar la simpleso ed austereso di la Protestanta arkitekturo, muziko ed arto, quankam Luterana Baroko developesis en kelka regioni di Europa.[1]

Baldakino e koreyo di la Baziliko di Santa Petrus.

Origino di la vorto

L'origino dil nomo esis Portugalana vorto baroco, por deskriptar perlo kun formo defektoza. To originis Portugalana barroco, Hispana barrueco ed Italiana barocco. Ta vorto uzesis unesmafoye en 1733 da Jean-Philippe Rameau por deskriptar muziko sen koherema melodio e prodiganta en disonanci. Jean-Jacques Rousseau qua esis muzikisto e kompozisto ultre filozofo, skribis en l'Encyclopédie: "la muziko baroka esas la muziko en ke la harmonio esas konfuza e plena di modulaci e disonanci. La kanto esas akra e nenaturala, la toni esas nefacila e la movimenti limitizita.

La vorto uzesis unesmafoye en 1855 dal Suisa historiisto Jacob Burckhardt, por deskriptar la periodo dil arto qua sequis la Renesanco, en artiklo skribita por la jurnalo Le Cicerone. Ilu uzis la termino por atakar la movado qua, segun ilu, subversis la valori de la Renesanco.[2] La frazo "stilo baroko" nur eniris la vortaro dil Académie française en 1878, pos ke ol perdis lua pejorativa impliko.[3]

Referi

  1. ‘Better Papist than Calvinist’: Art and Identity in Later Lutheran Germany. date 1ma di decembro 2011. Idiomo: Angla.
  2. Hopkins, Owen, "Les Styles en Architecture, (2014), p. 70
  3. Three Essays on Style. Videz chapitro pri What is Baroque?.