Fluvio Columbia: Diferi inter la revizi

Uzo di vaporonavi alonge la fluvio, komencinta per la ''[[British Beaver]]'' en 1836 e pose usana navi en 1850, kontributis a la rapida habitesko ed ekonomiala developo dil regiono.  Vaporonavi operacis en plura distinta segmenti del fluvio: en olua basa parti, de la Pacifika Oceano a ''Cascades Rapids''; de ''Cascades'' a ''Celilo Falls''; de ''Celilo'' a la kunflueyo kun la Rivero Snake; en la ''Wenatchee Reach'' di estala Washington; sur la [[Lagi Arrow]] di British Columbia; ed en riveri quala la Willamette, la Snake e [[Lago Kootenay]].  La bateli, unesma fuelizita per brular [[ligno]], transportis pasajeri e vari tra la regiono dum multa yari.  Frua fervoyi konektis vaporonavo-linei interruptita da [[Aquofalo|aquofali]] en la basa parti dil fluvio . Dum la 1880a yari, fervoyi mantenita da kompanii quala la ''Oregon Railroad and Navigation Company'' komencis kompletigar vaporonavo-operaci kom la precipua transporto-ligi alonge la fluvio.

Tam frue kam 1881, industrialisti propozis chanjar la naturala kanalo dil Columbia por plubonigar navigado.  Chanji di la fluvio dum la yari inkluzas konstrukto di [[Molio|molii]] ye la ekflueyo, dragado, e konstrukto di kanali e navigo-sluzi.  Hodie, oceano-navi povas voyajar marfore tam fore kam [[Portland, Oregon|Portland]] e [[Vancouver]], e kargobateli povas atingar tam fore kam [[Lewiston, Idaho|Lewiston]], Idaho.

La movanta ''Columbia Bar'' igas paso inter la fluvio e la Pacifika Oceano desfacila e danjeroza, e plura rapidi alonge la fluvio impedar navigado.  ''[[Pacific Graveyard]]'', libro di 1964 da [[James A. Gibbs]], deskriptas la multa naufrajuri proxim la ekflueyo di la Columbia.  Molii, unesme konstruktita en 1886, extensas la fluvio aden l'oceano.  Forta flui e la movanto sablostrato restas minaco a navi qui eniras la fluvio e necesigas kontinua manteno di la molii.

''Cascade Locks and Canal'' unesme konstruktesis en 1896 cirkum ''Cascades Rapids'', kapabliginte bateli voyajar sekure tra la ''Columbia River Gorge''.  La Celilo-Kanalo, qua cirkumiras ''Celilo Falls'', apertis a rivero-trafiko en 1915.  En la meza 20ma yarcento, konstrukto di digi alonge la longeso dil fluvio submersis la rapidi sub serio de reservuyi.  Granda sistemo de sluzi permisis navi e kargobateli pasar facile de un rezervuyo a la nexta.  Navigo-chanelkanalo til Lewiston, Idaho, alonge la riveri Columbia e Snake, kompletigesis en 1975.  Inter la chefa vari esas [[frumento]] ed altra granaji, precipue por exportaco.  En 2016, la Columbia esis triesma, dop la fluvii [[Fluvio Mississippi|Mississippi]] e [[Fluvio Paraná|Paraná]], inter la max granda exportaco-koridori por granaji dil mondo.

Erupto di [[Monto St. Helens]] en 1890 produktis fangoflui, qui diminutis la profundeso dil Columbia per 7,6 m trans 6,4 km, disruptinta la ekonomio di Portland.