Franz Liszt: Diferi inter la revizi

Ilua patro Adam esis intendanto di la domeno di le Esterházy en Hungaria, ed anke esis amatora muzikisto, pleante plura instrumenti. Dum ula periodo Adam lojis yeen [[Eisenstadt]] (proxim [[Wien]]), ube il renkontris plura kompozisti qui vizitis ca loko, inkluzante [[Johann Nepomuk Hummel]] e [[Ludwig van Beethoven]].

Adam remarkabis la genio di sua filiulo ye frua evo, e komencis donar lecioni. Evante non yari, Franz koncertis yeen [[Sopron]] e Pressburg (nune [[Bratislava]]); pro ca koncerti (qui esis aranjita per la esforci di lua patro) il ganis patroni qui konsentis suportar financale plusa muzikala edukado. Franz recevis lecioni en Wien de [[Carl Czerny]] ed [[Antonio Salieri]].

Ye la [[13ma di aprilo]] [[1823]] Franz, evante 11 yari, koncertis ye la ''Kleiner Redoutensaal'' en [[Wien]], kelka monati pos ilua unesma publika koncerto en decembro [[1822]]. Franz pleis koncerto-peco da Hummel, variadi da [[Ignaz Moscheles]], ed improvizadi da su ipsa. Ca evento esas notendanotinda pro ke Beethoven esis inter la audantaro. Segun legendo, Beethoven, tre impresata da la pleado, gratulis la yuna Liszt ye la platformo e kisis il ye la fronto. Tamen, Beethoven lore esis preske tote surda. Altra versiono di la evento esas ke Liszt dum la koncerto konciis ke Beethoven regardas il, ma ke li ne pose interparolis.