Maya Angelou: Diferi inter la revizi

Kontenajo efacita Kontenajo adjuntita
Nula rezumo di redakto
Nula rezumo di redakto
Lineo 12:
Per la edito di ''I Know Why the Caged Bird Sings'', Angelou publike diskutis lateri di elua personala vivo.  El respektesis kom viceparolanto por negruli e negrini, ed on egardas elua verki kom defenso di negrala kulturo.  Elua verki uzesas en skoli ed universitati mondvaste, malgre probi interdiktar elua libri de ula biblioteki en Usa.  Elua maxim celebrata verki klasifikesis kom autobiografiala fiktivaji, ma multa kritikeri egardas oli kom autobiografii.  El intence probis defiar la normala strukturo dil autobiografio per kritiko, chanjar ed expansar la jenro.  Elua libri enfokigas temi quala rasismo, identeso, familio e voyajo.
 
=== '''Frua vivo''' ===
Marguerite Annie Johnson naskis en [[St. Louis, Missouri|St. Louis]], [[Missouri]], ye april 4ma 1928, la duesma filio di Bailey Johnson, pordisto e dietisto, e Vivian (Baxter) Johnson, flegistino.  La plu olda fratulo di Angelou, Bailey Johnson, Jr., inventis por elu la nomo "Maya", de "My" o "Mya Sister".  Kande Angelou evis tri ed elua fratulo quar, la "kalamitatra mariajo" di lia genitori finis, e lia patro sendis li a [[Stamps, Arkansas|Stamps]], [[Arkansas]], sola per treno, por lojar kun lia patrala avino, Annie Henderson.  Ecepte por afrikan-usani tatempe, la avino prosperis dum la [[Granda Depreso]] e [[Duesma mondomilito|Duesma Mondo-Milito]] pro ke la generala butiko quan el jeris vendis bezonataji ed elu "kolokis saje e honeste".
 
Quar yari pose, lia patro "arivis en Stamps sen averto" retroportis li a St. Louis.   Evinte ok yari, lojinte kun sua matro, Angelou sexuale abuzesis e violacesis da Freeman, la amoranto di elua matro.  El informis sua fratulo, qua informis la cetera familio.  Freeman kondamnesis ma pasis nur un dio en karcero.  Pos quar dii di libereso, il ocidesis, probable dal onkluli di Angelou.  Angelou esis muta dum preske kin yari, kredinte: "Me pensis, mea voco ocidis ilu; me ocidis ta viro, nam me dicis lua nomo.  E lore me pensis ke me ne plus parolos, nam mea voco povus ocidar irgu..."  Segun Marcia Ann Gillespie ed elua kolegi, qui skribis biografio pri Angelou, dum ta taco-periodo Angelou developis sua extraordinara memoro, amo a libri e literaturo, e habileso askoltar ed observar la mondo cirkum su.
Lineo 20:
 
Kande Angelou evis 14, el ed elua fratulo rilojis kun sua matro, qua depose translojis ad [[Oakland, Kalifornia|Oakland]], [[Kalifornia]].  Dum la Duesma Mondo-Milito, Angelou asistis ''California Labor School''.  Ante gradizo, el laboris kom la unesma negrina tram-konduktoro en [[San Francisco]].  Tri semani pos gradizo, evinte 17, el genitis sua filiulo, Clyde (qua pose chanjis sua nomo a Guy Johnson).
 
[[Kategorio:Usana skriptisti|Angelou, Maya]]