[[Arkivo:R34.jpg|thumb|right|280px|Aeronavo R34 arivas ye Mineola, Long Island Usa]]
Ye [[13 di julio]] [[1919]] la aeronavo R34 retrovenis ad olua hemo en la [[komtio dildi Norfolk]] en Est-[[Anglia]], kompletigante du-sinsa aerala voyajo trans la [[Atlantiko]]: to esis la unesma foyo di tala voyajo. Ca aeronavo esis di tipo R33; la du tala navi, R33 e R34, esis konstruktata en [[Britania]] por rolo en la unesma mondo-milito; li esis ne kompleta ye la ceso di la milito. La unesma flugo di R34 eventis ye [[14 di marto]] 1919. Por la projetata transiro di la Atlantiko, portante plura armeo-oficiri, la navo esis equipata per plusa hamaki, nam ol ne esis konstruktita por pasajanti. Ol departis de Britania ye [[2 di julio]]. Kande ol atingis Mineola en [[Long Island]], [[Usa]], ye [[6 di julio]], un de la pasajanti decensis per parafalo por instruktar lokala personi pri traktar la terveno di la aeronavo; tale arivis la unesma persono en Amerika pos aerala voyajo de [[Europa]].
[[arkivo:R101_wreckage.jpg|thumb|left|280px|Restajo di R101 pos la dizastro]]
