Ceará: Diferi inter la revizi

Kontenajo efacita Kontenajo adjuntita
kelka korektigi + texto, imaji
kelka korektigi + texto, imaji
Lineo 27:
La teritorio di Ceará origine habitesis da diversa indijena grupi, quale le Tabajara, Potyguara, Anacés, Kariri, Inhamum, Jucá, Kanindé, Tremembé, Paikaú, ed altri, qui mantenis kambii di vari kun [[Europa]]ni, note [[Francia|Franci]], ante l'arivo di [[Portugal]]ani a la regiono, en [[1534]]. Portugalani probis krear vilajeto proxim la boko dil fluvio Ceará en [[1603]], ma pro ne esar preparita por longa periodo di [[sikeso]], li abandonis ol. Franci kontinuis operacar en la regiono, de lua bazi en [[Maranhão]] ed en Ibiapaba, ube li establisis kolonieto en [[1590]].
 
En [[1612]] Martim Soares Moreno komandis sucesoza expediciono por ekpulsar Franci de la regiono. La sam yaro, ilu konstruktis fortuofuorto São Sebastião. [[Nederlando|Nederlandani]] invadis la regiono du foyi: en 1637 ed en 1649. En 1637 li kaptis la fortuofuorto São Sebastião, ma en 1644 indijeni atakis e destruktis la fortuofuorto, e mortigis Nederlandana guberniestro Gedeon Morris e multa soldati. Nula Europano vivis en la regiono de 1644 til 1649, kande Nederlandano Matias Beck konstruktis la fortuofuorto Schoonenborch an la boko dil fluvio Pajeú. En [[1654]], kande Nederlandani abandonis lia posedaji en Brazilia, anke la fortuofuorto Schoonenborch abandonesis.
 
[[Arkivo:Mapa Ceara 1800 Gregorio Amaral.JPG|thumb|200px|left|Mapo di Ceará en 1800.]]
Ceará esis parto de la kapitanio di [[Pernambuco]] de [[1680]] til [[1799]], kande la kapitanio di Ceará kreesis. Dum la nedependo-proceso di Brazilia, en [[1822]], eventis feroca lukti en Ceará, qua divenis provinco dil imperio Braziliana la sam yaro. En [[1824]] ol partoprenis en la movado [[Kunfederuro dil Equador]], pri la nedependo di la regiono e kontre centrala guvernerio dil imperio.
 
Ceará esis un del unesma provinci di Brazilia qui abolisis la [[sklaveso]], ante [[1888]]. Dum la regno di [[Pedro la 2ma di Brazilia]] diversa substruktura verki konstruktesis en la regiono, quale l'unesma [[fervoyo]] en 1877-1878 e l'unesma barilo por prezervar l'aquo e permisar [[irigacado]]. Pos [[1889]], kun la [[republiko]] en Brazilia, Ceará divenis stato.
 
Kun la proklamo di la [[republiko]] en Brazilia en [[1889]], Ceará divenis stato. Dum l'Unesma republiko (1889 til 1930), quankam la stato sufris kun la forta sikesi, [[Fortaleza (Ceará)|Fortaleza]] kontinuis kreskar e developar ekonomiale e politikale, kontree l'altra regioni del stato. La stato recevis exterlanda enmigranti, note [[Portugal]]ani e [[Siria]]ni-[[Libano|Libanani]]. Dum ta epoko kreskis l'agado di kriminozi konocita kom ''cangaceiros'' (pronuncez "kangaseiros"), qui atakis e spoliis mikra urbi e rurala proprieti. De [[1896]] til [[1912]] la politiko en la stato kontrolesis dal familio Nogueira Accioly, qua establisis povoza [[oligarkio]], qua finis kande li decidis suportar Domingos Carneiro por guvbernar la stato, kontre Franco Rabelo, kandidato di lore prezidanto di la republiko [[Hermes da Fonseca]]. La forta represo kontre demonstro di pueri kontre Domingos Carneiro stimulis la revolto dil habitantaro di Fortaleza e, pro to, Accioly renuncis e Franco Rebelo asumis povo.
 
En [[1915]] eventis forta sikeso en la stato, e multa personi ekmigris vers Amazoniana regiono.
 
=== Geografio ===