Ford: Diferi inter la revizi

Kontenajo efacita Kontenajo adjuntita
Pagino kreesis kun 'thumb|250px|Logotipo* de Ford Motor Company. Arkivo:FordGlassHouse.jpg|thumb|250px|left|Sideyo di Ford Motor Company en [[Dearborn, M...'
(Nula difero)

Versiono ye 22:27, 22 mar. 2016

Ford Motor Company (ordinare konocita kom Ford) esas plurnaciona automobila fabrikanto kun sideyo en Dearborn, Michigan, proxim Detroit. Ol fondesis da Henry Ford ye la 16ma di junio 1903. La firmo anke vendas luxoza automobili sub la la marko Lincoln, e kontrolas Braziliana fabrikanto di "tota-tereni" Troller ed Australiana fabrikanto FPV. Antee, ol anke produktis kompozanti por automobili e traktori.

Logotipo* de Ford Motor Company.
Sideyo di Ford Motor Company en Dearborn, Michigan.

Ford anke kontrolas 2.1% di la loti de Japoniana fabrikanto di automobili Mazda, 8% di Aston Martin e 49% de Chiniana fabrikanto Jiangling. En 1989 ed en 2000 ol vendis rispektive Jaguar e Land Rover ad Indiana fabrikanto Tata Motors. En 2011 ol cesis lua brancho Mercury, qua produktis e vendis luxoza vehili en Usa, Kanada, Mexikia e Mez-Oriento pos 1938.

Ol esas la duesma maxim granda fabrikanto di automobili en Usa pos General Motors e la 5ma maxim granda fabrikanto del mondo, segun totalo di vendi en 2010. En la fino di ta yaro Ford esis la 5ma maxim granda automobila fabrikanto en Europa. En 2008 ol produktis 5 532 000 automobili ed employis 213,000 laboristi en 90 fabrikerii en tota la mondo.

Quankam lua loti vendesas en borsi pos 1956 la familio Ford kontinuas kontrolar cirkume 40% de la kompanio.

Historio

 
Henry Ford en 1919.

Komence, Henry Ford probis krear la kompanio Henry Ford Company en 1901, qua pose divenis Cadillac Motor Company en 1902.