Ye la 6ma di mayo [[1909]] l'Olimpiala Komitato di Suedia prizentis preliminara skisuro pri l'Olimpiala Ludi en Stockholm. Segun la projeto, la tota kusto totala por organizar l'evento esusamontus a cirkume 415,000 Suediana Kroni, nune equivalanta a 48,000 [[Euro|Euri]]. La Sueda guvernerio, inkluzite la rejulo, aceptis ol.<ref name="Olimpiala">{{cite web|author= Olimpiala Komitato di Suedia|editor=Erik Bergvall|title= ''The Official Report of the Olympic Games of Stockholm 1912''|language=Angla|year=1913|editorial=Wahlstrom and Widstrand|location=Stockholm|url=http://www.la84foundation.org/6oic/OfficialReports/1912/1912.pdf|format=PDF}}</ref> Ye la [[28ma di mayo]] dil sama yaro, l'[[Internaciona Olimpiala Komitato|Internaciona Olimpiala Komitato]] asemblesis en [[Berlin]] ed aceptis l'ofro da Stockholm, pro ke nula altra urbo prizentis kandidateso. Dum l'asemblo, [[Pierre de Coubertin]] opinionis ke «oportas prezervar l’atletala pureso di la Ludi; li mustas esar plu digna, plu diskreta, plu konforma a klasika ed artala postuli, plu intima e, precipue, plu chipa».<ref name="Olimpiala"/>
Kande la selekto di Stockholm divenis konocota, la Sueda populo recevis l'informo kun entuziasmo. Viktor Balck, qua prizentabis la nomo di Stockholm a l'Olimpiala Komitato, elektesis prezidanto di l'organizanta komitato. Princulo Karl de Västergötland, responsanto pri la Sueda kavalrio, organizis personale la konkurso pri [[kavalk-arto]].
