New York: Diferi inter la revizi
Kontenajo efacita Kontenajo adjuntita
→Historio: Texto de "Ye ca dio, 24 mayo". |
→Historio: Plusa texto |
||
Lineo 13:
Ye [[2 di februaro]] [[1913]] en New York apertesis nova [[fervoyo]]-staciono ''Grand Central Terminal''. (Ol kustumale nomizesas ''Grand Central Station'', qua esis la nomo di la antea strukturo di [[1871]].) Konstruktado komencis en [[1903]] di la staciono en la mezo di Manhattan-insulo. La nova staciono, nur por elektrala lokomotivi, havis [[urbala fervoyo|subtera fervoyi]], por qui granda exkavado esis facata. La staciono kovras 19 hektari ed ol havas 44 embarkeyi, ye du sub-tera niveli. La centrala asembleyo havas longeso 84 m e larjeso 37 m. La horlojo super la informeso-kiosko ye la centro di ca spaco havas quar facii, facita de opalo.
Ye [[12 di decembro]] [[1914]] la Borso di New York, klozita de 30 di julio, esis ri-apertata. La borso esis klozita por preventar plunjanta preci ye la komenco di la [[unesma mondomilito]]; esis timo ke multa Europani vendus acioni por furnisar pekunio por la milito. Ca klozita periodo esis la maxim longa en la historio di la Borso di New York. Dum la unesma dio di komercado ye la ri-aperto, la ''Dow-Jones''-indico falis per 24-procento: frue dum la milito, esis granda necerteso pri la futuro di komercado. Quankam necerteso duris, New York remplasis [[London]] pos la milito kom la precipua borso en la mondo.
==Videz anke:==
| |||