La '''JulianaJuliala kalendario''' esis plu longa kam la naturala yaro per 11 minuti e 14 sekundi, do en período de 128 yari la [[JulianaJuliala kalendario]] devancis la naturala yaro per un dio. Dum la koncilo di [[Trento]], qua eventis inter [[1545]] e [[1563]], on decidis novigar la kalendario, ed en [[1582]] la [[papo]] [[Gregorius 13ma]] promulgis buloletro imperanta direta transiro, en ta yaro, de la [[4 di oktobro|4ma di oktobro]] al [[15 di oktobro|15ma di oktobro]].
En la Gregoriala kalendario existas min multa bisextila yari kam en la JulianaJuliala. La bisextila yari esas olti dividebla per quar, exepte la per cent dividebla yaro, qua ne esas dividebla per 400. Do 2000 esas dividebla per 400, e la yaro [[2000]] esis bisextila, ma la yaro [[1900]] ne esis bisextila, quankam 1900 esas dividebla per 4. Per la Gregoriala kalendario la difero inter kalendario-yaro e naturala yaro kreskos til un dio erste dum 3,300 yari.
La Gregoriala kalendario esis tre bona noviguro, ma on komencis uzar ol inerte pro religiala ed ekleziala deskonkordo. La katolika [[papo]] novigabis la kalendario, ed altri esis kontre olu. La protestanti en central [[Europa]] uzeskis la Gregoriala kalendario erste en [[1700]], [[Anglia]] en [[1752]], [[Suedia]] en [[1753]], [[Rusia]] pos la revoluciono en [[1918]]. [[Chinia]] komencis uzar la Gregoriala kalendario en [[1929]].
