Richard Wagner: Diferi inter la revizi

Kontenajo efacita Kontenajo adjuntita
DavidW (diskutez | kontributadi)
m Ligilo ad "opero"; mikra emendo di la texto.
DavidW (diskutez | kontributadi)
Adjuntis texto de "Ye ca dio, 19 oktobro".
Lineo 12:
 
'''Richard Wagner''' ([[1813]] til [[1883]]) esis [[Germaniana|Germana]] kompozisto di [[opero|operi]].
 
Ye [[19 di oktobro]] [[1845]], en [[Dresden]], ilua opero ''Tannhäuser'' esis unesmafoye pleata. Wagner komencis kompozar la verko en la somero di 1843 ed ol esis kompleta en aprilo 1845, la uverturo esante la lasta parto skribita. La rakonto eventas ye la kastelo di [[Wartburg]] en la 14ma yarcento, ube la landgravo di la valo di [[Thuringia]] aranjas konkurso di Minnesänger (trubaduri). Wagner, ne tote kontenta pri la opero ye la unesma pleado, facis multa chanji por olua pleo en [[Paris]] en 1861.
 
En [[München]] ye [[22 di septembro]] [[1869]] eventis la unesma pleado di lua opero ''Das Rheingold''. Ol esis la unesma de quar operi kune titulizita ''Der Ring des Nibelungen'' (La Ringo di le Nibelung). Wagner skisis rezumala naraco di la projetata operi en 1848; ilua fonto esis Germana e Skandinavian mitologio, e partikulare la mez-epoka Germana epikajo ''Nibelungenlied''. Il intencis komencar skribante opero pri la morto di la precipua karaktero Siegfried (olqua divenis la finala opero ''Götterdämmerung''); tamen il decidis explikar la eventi qui duktis a la morto di Siegfried, qui okupis la dramato di la unesma tri operi. La finala opero kompletigesis en 1874, e la quar operi esis unesmafoye kune pleata ye Bayreuth dum 13-17 agosto 1876.