Historio di Malta: Diferi inter la revizi

Kontenajo efacita Kontenajo adjuntita
Chabi1 (diskutez | kontributadi)
Pagino kreesis kun 'Malta havas habitanti de aproxime 5200 aK. Populo kultivis cereali ed edukis domestika brutaro. Feniciani kolonizis l'insuli aproxime 1000 aK. Cirkum ...'
(Nula difero)

Versiono ye 14:53, 23 okt. 2012

Malta havas habitanti de aproxime 5200 aK. Populo kultivis cereali ed edukis domestika brutaro. Feniciani kolonizis l'insuli aproxime 1000 aK.

Cirkum 700 aK Grekiani habitis en l'insuli[1]. Kartagani okupis Malta ye 440 aK. Li kultivis olivo, karubi e produktis stofi.

Romani anke okupis l'insuli, ye 218 aK. Ye 117 aK Romani transformis Malta en Municipium. Ye 60 Paulus de Tarsus arivis en l'insuli e komencis disseminar kristanismo[2]. L'insulo esis parto de Bizantina Imperio de 395 til 870.

L'arabi okupis l'insuli ye 870. Ye 1530, Hispania donacis l'insuli a Templari-Kavalieri. Ye 1798 Napoleon 1ma okupis la teritorii. Ye 1814, depos di Paris Kontrakto, l'insuli divenis parto di Britanian Imperio.

Dum Duesma mondo-milito l'arkipelago esis importanta militala bazo por Unionita Rejio, e rezistis ataki de Italiani e Germaniani. Por lua braveso, ye 16 di aprilo 1942 rejulo George 6ma donis a l'insulo la honor-medalio Kruco di George (George Cross).

Pos intensa negocii, Malta divenis nedependanta de Unionita Rejio ye 21 di septembro 1964, kun Giorgio Borg Olivier kom chefa ministro ed Elizabeth 2ma kom rejino. Ye 1971 Laborala partiso, komandita da Dom Mintoff, ganis elekti, e transformis Malta en republiko ye 13 di decembro 1974. Malgre ta, lando kontinuis esar membro di Britaniana Komuneso.

Malta deklaris su neutra lando ye 1980. Ye 1989 lando hostis renkontro inter Ronald Reagan e Mihail Gorbachov. Ye 1990 chefa ministro Guido de Marco aplikis por enirar Europana Komuneso Ekonomiala. Finale ye 1 di mayo 2004 ol divenis membro di Europana Uniono.


Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Malta | Moldova | Monako | Montenegro | Nederlando | Norda Makedonia | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukraina | Unionita Rejio | Vatikano
  1. Notable dates in Malta's history, by Department of Information - Maltese Government. 6 di februaro 2008
  2. The Maltese Cross: A strategic history of Malta, by Dennis Angelo Castillo. Greenwood Publishing Group. ISBN 0-313-32329-1