Ciencala metodo: Diferi inter la revizi

Kontenajo efacita Kontenajo adjuntita
Albonio (diskutez | kontributadi)
Nova pagino
 
Nula rezumo di redakto
Lineo 14:
 
Tamen, la moderna [[cienco]] ne sequas ica pazi totale. En [[cienco|cienci]] quale la [[astronomio]] o la [[teoriala fiziko]], esas tre desfacila realigar la experimenti. Do, icakaze, suficas la observado por kreor la hipotezi.
 
To, adminime, esas un expliko di la cienco. Ol esas ta qua sequas la ''metodo ciencala'', ed olca esas la formulo supera. Ma ciencisti sucias plu facar la cienco, kam explorar od explikar quo ol esas. Filozofiisti di la cienco (ek qui BACON esis uno) dum yarcenti esforcis definar od explikar ol. Anke, multi debatis pri la formulo, ed propozis diferinta detali pri ol.
 
Tre importanta pazi en la cienco kosmologiala ed en filozofio di la cienco facesis da [[Emmanuel KANT]]. [[Karl POPPER]] dicas ke la kosmologio da [[COPERNICUS]] e da [[NEWTON]] divenis la povoza ed ecitanta inspirajo di vivo intelektala di KANT. Lua unesma importanta libro (duras POPPER) esis "Teorio di la cielo", ciencala libro. En ol, il enuncis plura tre grava teorii. Lua maxim famoza libro, "Kritiko di la pura raciono", esas verko filozofiala inspirita kande lu exploris la logiko di Newtonala teorio.
 
La filozofio di ipsa [[POPPER]] forte kritikis a forsan destruktis la "mito" da BACON. Segun POPPER, la maxim frua ciencisti pri qui ni konocas esis la skolo di Milesia, pri qui la epoko esis ante [[SOKRATIS]], ed ek qui la unesma esis [[THALIS]], e la duesma, lua studento [[ANAXIMANDER]]. Segun la unesma, "la tero sustenesas da aquo sur qua ol flotacas quale navo, e ni dicas ke sismo eventas, kande la tero esas sukusata da movado di la aquo". La duesma enuncis altra teorio pri susteno di la tero. Segun lu,"la tero sustenesas da nulo, ma restas fixa, pro ke ol esas egale distanta de omna cetera kozi. Olua formo esas quaza tamburo. Ni promenas sur un de olua plata surfaci, e la altra esas ye la opozanta latero." ANAXIMANDER atingis ica teorio ne per observado di la fakti, ma per rezonado. E '''pro observado''' lu '''faliis''' atingar la teorio ke la tero esas sfera vice tamburatra.