Hinduismo: Diferi inter la revizi

Kontenajo efacita Kontenajo adjuntita
Nula rezumo di redakto
Albonio (diskutez | kontributadi)
m Rekuperata la lasta edito di Artomo
Lineo 1:
La '''Hinduismo''' esas tre probable la maxim anciena [[religio]] qua existas en la [[mondo]]. Ol ne havas fondero ed esas [[paganismo]] (o [[politeismo]]) kun tre alta [[filozofio]] e [[psikologio | psikologiala]] savo. Ita tre alta penso- e koncio-nivelo posibligis ad ol posvivar omna ataki dal [[monoteismo | monoteista]] religii e precipue dal [[islamo]].
.
 
La tre richa mitologio e penso-maniero dil Hinduismo ne povas facile klasifikesar segun la normi dil Ocidentala mento. On povas tamen skribar ke existas fundamentala triuno en la Indiala religio, nome [[Brahma]] la Kreero, [[Vishnu]] la Protektero e mantenero dil universo e [[Shiva]] la Destruktero, qui omni esas aspekto dil lo Absoluta nekonocebla, nome [[Brahman]]. La kulti ("puja"-i) di Vishnu e Shiva esas maxim difuzita dum ke olta di Brahma apene existas pro ke on ne reprezentas la kreo-proceso. En la realeso esas turbo de deaji che la Hinduismo, nam la dei esas nur diversa aspekti di lo deala qua fundamentale esas una. Notinde ke la kulto di [[Ganesha]], dio kun elefanto-kapo e filiulo di Shiva, esas extreme sucesoza nunepoke, nam Ganesha esas deajo qua okupesas pri la singladia vivo e desaparigas la obstakli qui impedas la realigo dil deziri di lua devocozi.
 
La Hinduismo esas la kadro dil [[kasto-sistemo]] qua origine posibligis (e posibligas ulagrade ankore nun) harmonioza kunvivo inter tre diversa populi, rasi e genti. Existas quar fundamentala kasti (dividita en grandanombra sub-kasti) nome oli esas olti di la [[Brahmano|Brahmani]] (sacerdoti), di le [[Kshatriya]] (militisti), di le [[Vaishya]] (komercisti, [[Gandhi]] esis Vaishya) e di le [[Shudra]] (agrokultivisti e mestieristi). Regretinde ita sistemo degeneris e tre rigideskis lor la periodo dil Mohamedismala okupado di [[India]]. Anke la dicita sistemo ne havis la tempo inkluzar marjinala populi e li divenis "netushebla" e quaze exter la socio-ordino di India. Esas notinda ke la nociono di pureso same mentala kam korpala esas tre importanta por la Hinduismo ed anke pleas grava rolo en la medicino naskinta en la kadro dil Hinduismo, nome la "ayurveda"-ala medicino. La tradicionala linguo dil Hinduismo esas la [[Sanskrita linguo|Sanskrita]] idiomo qua esis dum plura yarmili la komuna linguo dil bone edukita Indiani e qua en kelka medii esas vivanta ankore nun. La Hinduismo ne timis evolucionar dum lua longa existo ed anke nunatempe esas tre apta adaptesar a la moderna mondo e mem seduktar la Ocidentani, quankam ol nule vizas konvertar irga homo exter India.Pluse esas notinda ke [[Varanasi]] o [[Benares]] (por la Ocidentani) esas la sakra urbo dil Hinduismo adube pia Hinduisti volas mortar por obtenar plu rapide la liberigo spiritala lor lia transmondesko pos lia kremaco ed imerso di lia cindraji en la fluvio [[Ganges]].
 
Por havar plusa informi pri la Hinduismo esas tre facila serchar informi che la interreto en onua nacionala linguo. Taskope on serchez la vorti : Vishnu (o Vishnou por la France-parolanti), Shiva, Ganesh(a). La ikoni dil deaji esas splendidega (supera a la Kristana ikoni) e la Indiana muziko dil ''puja'' (kulto por deajo) esas tre bela (se onu havas la fortuno kaptar tala ret-pagino). Pro la prezenteso di multa Indiana enmigranti en Ocidento e pro la prestijo dil Indiala kulturo e spiritaleso, la Hinduismo, e precipue lua filozofio, influas diskrete ma efikive la mento dil Ocidentani a plu granda toleremeso e komprenemeso pri altra kulturi e religii.
 
[[Category:Hinduismo]]