Richard Georg Strauss
Profesiono: muzikisto e kompozisto
Lando: Germania
Naskodato: 11 di junio 1864
Nasko-loko: München, Bavaria
Mortodato: 8 di septembro 1949
Morto-loko: Garmisch-Partenkirchen, West-Germania

Richard Georg Strauss (1864 til 1949) esis muzikisto e kompozisto.

Ilua patro, chefa kornisto di la korto-opero dil urbo, instruktis yuna Richard pri muziko. Richard esis multe influata da la muziko di Richard Wagner, operi di qua il unesmafoye audis en 1874. Ilua unesma notinda orkestrala verko, la simfoniala poemo Don Juan, aparis en 1888. Il skribis plura plusa simfoniala poemi, exemple Also sprach Zarathustra (1896) ed Ein Heldenleben (1898); plu tarde en la kariero il kompozis plura operi, exemple Der Rosenkavalier (1911).

Till Eulenspiegels lustige Streiche redaktar

Ye la 5ma di novembro 1895 en Köln, ilua simfoniala poemo Till Eulenspiegels lustige Streiche ("La joyoza folaji di Till Eulenspiegel") esis unesmafoye pleata. Dum printempo di 1894 Strauss entamis skribar kurta opero pri ca temo, e pose abandonis la projeto; en 1895 il kompozis ca orkestrala verko, quan il kompletigis ye 6ma di mayo en München. Ol deskriptas Till Eulenspiegel, karaktero de mez-epoka folkloro di Germania, qua durante mokas altri per trompiva folaji.