Raymond Carver
| Raymond Clevie Carver Jr. | ||
.jpg)
| ||
| Profesiono: | skriptisto, poeto | |
| Lando: |  Usa
| |
| Naskodato: | 25 di mayo 1938 | |
| Nasko-loko: | Clatskanie, Oregon | |
| Mortodato: | 2 di agosto 1988 | |
| Morto-loko: | Port Angeles, Washington | |
Raymond Clevie Carver Jr. (25 mayo 1938 - 2 agosto 1988) esis usana skribisto di kurta rakonti e poeto.
Il egardesas kom esar inter la maxim bona usana skribisti.
Frua vivo redaktar
Carver naskis en Clatskanie, Oregon, Usa, ye 25ma mayo 1938, e kreskis en Yakima, Washington.
Il esis la filiulo di Ella Beatrice (n. Casey) e Clevie Raymond Carver. Lua patro, sego-fabrikerio-laboristo de Arkansas, esis peskisto. Lua matro laboris kom servistino en butiki e restorerii. Lua fratulo, James Franklin Carver, naskis en 1943.
Carver edukesis che lokala skoli en Yakima, Washington. En sua libera tempo, il lektis romani da Mickey Spillane od edituri quala Sports Afield ed Outdoor Life, e chasis e peskis kun amiki e familiani.
Pos livar skolo en 1956, Carver laboris kun sua patro che sego-fabrikerio en Kalifornia.
En junio 1957, evinta 19, il mariajesis kun la 16-evinta Maryann Burk. Lia filiino, Christine La Rae, naskis en decembro 1957. Lia duesma filio, puerulo Vance Lindsay, naskis un yaro pose. Carver suportis la familio per laborar kom livristo, pordisto, biblioteko-helpanto, e sego-fabrikerio-laboristo, dum ke Maryann suportis la familio kom administranto e skol-docisto dil Angla, vendisto, e servistino.
Listo de verki da Carver redaktar
Rakonti (kolekturi)
- Will You Please Be Quiet, Please? (1976)
- Furious Seasons and other stories (1977)
- What We Talk About When We Talk About Love (1981)
- Cathedral (1983)
Poezio (kolekturi)
- Near Klamath (1968)
- Winter Insomnia (1970)
- At Night The Salmon Move (1976)
- Fires (1983)
- Where Water Comes Together With Other Water (1985)
- Ultramarine (1986)
- A New Path To The Waterfall (1989)