Prostitucado che Popul-Republiko Chinia
Quik pos obtenar povo en 1949, la Komunista Partiso di Chinia komencis kampanii qui probis removar la prostitucado de la kontinento finante ye frua yari 1960a. Depos la laxigo di la guvernerio pri sociala kustumi dum frua yari 1980a, la prostitucado ne nur ri-aparis en la Popul-Republiko Chinia, ma nun trovesas tra omna urbala e rurala loki. Malgre l'esforci di la guvernerio, prostitucado developis tante multe ke ol nun esas sua propra industrio, kun granda nombro di personi e facante granda ekonomiala produktado. Prostitucado divenabas anke asociita kun grandanombra problemi, inkluzite krimino organizita, guvernala koruptado, e morbi sexuale transmisebla.
Aktiveso en Chinia relatante a prostitucado havas multa tipi, loki, e preci. Vendanti di la sexuo venas de multa rangi di la socio. Li preske omna esas mulieri, tamen recente virala prostituciti aparis. Tipala loki inkluzas hoteli, karaoke-erii e beleso-saloni.
Malgre ke la guvernerio di Chinia omnatempe esis serioza pri ti qui aranjas la krimino di prostitucado, pri la traktado di la prostitucito ipsa ol ulatempe traktas ol kom krimino, ed ulatempe traktas ol kom mala konduto. Depos la ri-aparo di prostitucado dum la yari 1980a, la guvernerio unesme uzis la legala sistemo, to esas, la diala operaciono di la korti e polico. Duesme, li uzis kampanii duktita da la policistaro, kun periodi di intensa publika exameno kom sociala diciplino. Malgre la suporto por legigar la sexuo-industrio da internaciona NGO-i ed exterlandana komenteri, esas preske nula suporto por to de la publiko, sociala organizi, o la guvernerio di Chinia.
Prostitucado dum la tempo di Mao
redaktar
Pos la vinko di la Komunista Partiso di Chinia en 1949, lokala guvernerii havis skopo eliminar la prostitucado. Un monato pos la Komunismigo di Beijing ye la 3ma di februaro 1949, la nova urbala guvernerio sub Ye Jianying anuncis projeto por regular la multa prostituceyi di la urbo. Ye la 21ma di novembro, omna ek la 224 prostituceyi en Beijing klozesis; 1286 prostituciti e 434 proprietanti, kompranti, e proxeneti arestesis dum nur 12 hori per aproxime 2400 kadri.[1] Ne-surprizante, la kampanio di Beijing celebresis en la historiala rakonti di la lando. La rapida e drastika metodi montris nacionala exemplo pri la politikala rezolvo e habileso di la nova guvernerio.
Pro la grandeso di sociala problemi qui mustis esar rezolvita, e la manko di pekunio e moyeni di la regionala guvernerii, la maxim multa ek la urbi di Chinia adoptis la plu lenta metodo di unesme regular e pose interdikar prostitucado. [2] Ica metodo uzesis en Tianjin, Shanghai e Wuhan.[3] Tipikale ol unesme uzis sistemo di guverneriala administrado qua regulis la aktiveso di prostituceyi e senkurajigis virala kompreri. Ol eventuale mikrigis la nombro di prostituceyi en singla urbi, e pose "Beijing-ala" klozado uzesis, e depos "ri-edukato" komencis. Ri-edukado programi uzesis plu multe en Shanghai, en qua la nombro di laboristi en la sexuo-industrio kreskis til 100 000 pos la Duesma milito Chiniana-Japoniana.
Dum la frua yari 1960a, tala metodi preske abolisis videbla prostitucado de Chinia. Segun la guvernerio, morbi relatante a la sexuo esis preske abolisita kun la represo di prostitucado. Por celebrar ta vinko, omna 29 inquesto-instituceyi pri ta morbi klozesis en 1964.
Segun la teorio di Marxismo, mulieri qui venas sexuo videsis kom havanta nula altra alternativo por trans-vivar. Tamaniere la eliminado di prostitucado esis montrata kom un ek la majora verik di la komunista guvernerio ed evidenco pri la vereso di Chiniana Marxismo.[4] La subjekto di prostitucado ne existis en Chinia serioze dum plu kam 30 yari. Recenta inquesti montris, tamen, ke la desaparo di prostitucado en la guvernerio di Mao fakte ne esis kompleta.[5] Pan Suiming, un ek la maxim savoza experti pri prostitucado en Chinia, argumentas ke "ne-videbla" prostitucado — en la formo di mulieri donante sexuala favori po certa privileji — divenis partikulara traito di Chinia sub Mao, partikulare ye la fino di la Kulturala Revoluciono. [6]
Prostitucado pos 1978
redaktar| Aresti relatante a prostitucado dum policala kampanii(1983-1999) | |
|---|---|
| yaro | aresti |
| 1983 | 46,534 |
| 1989-90 | 243,183 |
| 1996-7 | aprox. 250,000 |
| 1998 | 189,972 |
| 1999 | 216,660 |
La retroveno di prostitucado en Chinia venis samatempe kam la introdukto dil ekonomiala reformi di Deng Xiaoping en 1978. Segun la nekompleta statistiki qui facesis pos la nacionala kampanii, la procento di prostitucatini kreskis omnayare depos 1982.[7] Inter 1989 e 1990, 243,183 personi arestesis pro prostitucado-relatanta aktivesi. [8] Zhang Ping kalkulas ke ta nombri de la polico montras nur 25-30 procento de omna personi qui esis implikata.[9] Prostitucado esas grandeskante parto di la ekonomio di Chinia, employante forsan 10 milion personi, kun posibla yarala konsumado di 1 trilion RMB. [10] Pos policala kampanio en 2000, Chiniana ekonomikisto Yang Fan kalkulis ke la integra nacionala produktajo (GDP) di Chinia mikreskis 1% kun la mikresko di spendaso di la subite ne-employata muliera prostituciti.[11]
La ri-vivo di prostitucado unesme eventis en la esta, rivala urbi di Chinia, ma depos la yari 1990a prostitucado esis en altra ne-developita regioni, exemplo Guizhou, Yunnan, e Tibet. [12] Dum la yari 1980a, la tipala vendisti di la sexuo esis yuna, rurala muliero sen multa edukado de populoza, relative fora provinci exemple Sìchuān e Hunan. Dum la veninta yardeko esabas agnosko ke la maxim multa ek li qui eniras prostitucado facas tale per sua propra motivi. [13] La posibla profiti de prostitucado kun altra formo di employado inkluzas plu multa uzebla pekunio, aceso a plu alta sociala cirkli, ed altra selektado en sua vivo. La nacion-regulizita jurnalistaro raportas maxim multe pri urbala rezidanti qui prostitucas, note mulieri kun edukado de universitato. [14] Semblas ke esas anke kreskante aceptado di prostitucado. En inquesto ye 1997, 46.8% di studenti en Beijing agnoskis kontemplir recevar la servico di prostituciti. [15] Esas posibla ke la demando di prostitucado venas anke de la antea reguli di la "un puero programo", qua produktis plu multa viri kam mulieri. [16]
Prostitucado ofte esas kunligita kun basa-nivelo korupto di la guvernerio. Multa regionala oficisti kredas ke la prostitucado en la operado di komerco adportas ekonomiala avantaji per developar turismo ed altra industrii, e per krear signifikanta revenuo de imposto. [17] Ulatempe, mem la policistaro arestesis pro diretar o jerar alta-nivelo hoteli en qua prostitucado existas, o pro aceptar subornajo e sexuala donacaji por ignorar la existo di prostitucado. [18]
Kreskanta numbor di mulieri qui vendas sexuo esis atentata, o mem mortigata kande on probas furtar lia pekunio o proprajo.[19]
Tipi e loki
redaktarLa polico di Chinia kategoriigas prostitucado en sistemo kun sep niveli, tamen existas altra formi qui ne aplikesas en la sep. [20] Ica niveli montras la multa tipi di prostitucado e prostituciti. Malgre ke li omna esas klasifikata kom prostituciti, la servad quin li ofras povas esas tre diferanta. En ula niveli, exemple, esas ankore repugneso pri anusala sexuo e bokala sexuo. Kun ta vasta tipi di prostituciti, la vira kompristi anke havas diferanta historii.
L'unesma nivelo, savata kom baoernai (包二奶), referas pri mulieri qui kondutas su quale "duesma spozini" di viri kun pekunio ed influo, inkluzante guvernerio ed aferisti de Chinia, ed anke aferisti exterlandala. Ica aktivo esas klasifikata kom prostitucado pro ke ta mulieri aktive serchar por viri qui povas donar a li lojeyi e sua propra salario. Ta mulieri ulatempe kun-lojas kun la "kliento" e forsan mem volas divenar vera spozo di lu.
La duesma nivelo, baopo (包婆: "pakigita spozino"), referas a mulieri qui recevas alta-nivela klienti dum periodo decidita, exemple dum voyajo por aferi, e recevas pekunio decidita pro facar tale. La unesma e duesma niveli recente divenis la centro di multa debato pro sua interrelato kun guverneriala koruptado. Multa komentisti kredas e dicas ke ica aktivi montras la expreso di mulieri di sua borgezala yuro. [21] La All-China Women's Federation, kom un ek la majora korpi di feminismo en Chinia ed anke por grupi di mulieri en Hong Kong e Taiwan, esabas aktiva en sua esforci por extirpar ica formo di "konkubeso", kom aktivi qui violacar la kontrato di mariajo. [22]
La triesma nivelo, santing (三厅: "tri salonegi"),
referas a mulieri qui havas sexuala aktiveso kun viri en loki por karaoke e dancado, drinkerii, restorerii, teo-domi, ed altra loki en qua li recevas sua salario en la formo di gratifikuri de la individuala viri kun qua li iras, ed anke de la pekunio qua venas de servico-gratifiketo en ta loki por drinkajo e manjajo. Ofte-uzata vorti por ta mulieri esas sanpei xiaojie (三陪小姐: "mulieri di la tri akompani"). Ica mulieri ofte komencas kun lasar la viri karezar sua korpi, e se la kliento volas, kun sexuala relati.
La quaresma nivelo referas a mulieri qui ofte nomesas pordo-klodo mulieri (叮咚小姐: "dingdong mulieri"), to esas, mulieri qui telefonas posibla vendisti di sexuo por solicitar li en certa hotelo. La ago di li esas unfoye sexuagar o sexuago kontinue dum la nokto, la duesma esante du o tri-foye plu precoza.
La kinesma nivelo, falangmei (发廊妹: "fratini di hararo-salono"), referas a mulieri qui laboras en loki qui ofras komercala sexuala servad sub la aspekto di masajo, saneso o beleso-centri, sauni, edc. Agado en ta loki inkluzas masturbado e bokala sexuo.
La maxim basa du niveli havas plu direte kambio di pekunio por sexuo o donacaji. Ta du niveli havas nula relato a guverneriala korupto, nek tra la nova komercala sektoro en Chinia. La sisesma nivelo, jienü (街女: "mulieri de la strado"), referas a mulieri qui solicitas maskula kompristi di sexuo en la stradi.
La sepesma e maxim basa nivelo, xiagongpeng (下工棚: "en la laboreyo"), referas a mulieri qui vendas la sexuo a rurala laboristi. Mulieri qui vendas la sexuo precipue facas tale por mikra quanti di pekunio, manjajo e shirmilo.
Legala respondi
redaktar- 1987 Sekureso administrado punisado reguli (中华人民共和国治安管理处罚条例).
- 1991 Decido pri strikte interdiktar la komprado e vendajo di la sexuo (严禁卖淫嫖娼的决定).
- 1991 Decidi pri severa puniso di krimini qui forraptas e komercas mulieri o pueri(严惩拐卖、绑架妇女、儿童的犯罪分子的决定).
- 1992 Lego por protektar la yuri ed interesi di mulieri (妇女权益保障法).
- 1997 revizo di la kriminala lego di Chinia (中华人民共和国刑法).
- 1999 "Reguli koncerne la diretado di publika loki di amuzo" (娱乐场所管理条例).
La legi di Chinia dicas ke prostitucado ne esas simpla kambio inter individui, e ke ol esas serioza violaco di civila yuri. La respondado a prostitucado esas punisar ti qui organizas prostitucado.
Lego pri prostitucado
redaktarLa maxim videbla formo di polico esis sua kampanii. Kampanii kontre la prostitucado ofte havis nacionala konkurenci di la jurnalistaro por montrar la legi e reguli di Chinia. Pose on ofte vidis anunci pri statistiki di la nombro arestita, ed aserti ke la lukto kontre prostitucado esos tre longa. La uzado di kampanii ofte kritikesis por uzar anciena "ideologiala" konstruktajo, ed anke anciena metodo por la kampanio simile a la yari 1950a. [23]
Noti e referi
redaktar(omno en la Chiniana e l'Angla)
- ↑ Videz 罗瑞卿一夜扫除北平妓女 ["Luo Ruiqing eradicates Beiping's prostitutes in a single night"]
- ↑ Ma Weigang (ed.), Jinchang jindu [禁娼禁毒: "On Strictly Forbidding Prostitution and Drugs"] (Beijing: Jugguan jiaoyu chubanshe, 1993) at 8.
- ↑ See Sun Shidong, 新中国取缔妓院前后 ["The banning of brothels in the new China from beginning to end"], Zhishi chuang. Accessed 24 Nov. 2005.
Jiang Pei, 天津娼业改造问题述论：1949-1957 ["Discussion of questions in relation to reform of the prostitution industry in Tianjin"]. Accessed 24 Nov. 2005. - ↑ Historic Liberation of Chinese Women Information, The Situation Of Chinese Women - Publikigita da Information Office of the State Council of the People's Republic of China. URL vidita ye 22ma di novembro 2005. ; ed anke "Duanping jiefang jinü" [短评解放妓女: "A Brief Commentary on the Liberation of Female Prostitutes"], Renmin ribao, 22 November 1949 at 1.
- ↑ Hershatter, G. Dangerous Pleasures: Prostitution and Modernity in Twentieth-Century Shanghai, (Berkeley, CA: University of Kalifornia Press, 1997) at 331-3; Shan Guangnai, Zhongguo changji - guoqu he xianzai [中国娼妓过去和现在: "Chinese Prostitution - Past and Present"] (Beijing: Falü chubanshe, 1995) at 3.
- ↑ Pan Suiming, "Jinchang: wei shui fuwu?" [禁娼：为谁服务？: The prohibition of prostitution: whom does it serve?], in Aizibing: shehui, lunli he falü wenti zhuanjia yantaohui [艾滋病：社会、伦理和法律问题专家研讨会: "Report of the Expert Workshop on HIV and Prostitution: Social, Ethical and Legal Issues"] (Beijing: Academy of Social Sciences, 29-31 October, 1996) at 20-1.
- ↑ Jeffreys, E., China, Sex and Prostitution, (London: RoutledgeCurzon, 2004) at 97.
- ↑ Xin Ren (1999) "Prostitution and economic modernisation of China", 5 Violence Against Women 1411 at 1414.
- ↑ Zhang Ping (1993) "Dangjin Zhongguo shehui bing" [当今中国社会病: "Social problems in contemporary China"] 12 Jindun 12 at 27.
- ↑ A Close Look at China's "Sex Industry" - Autoro: Zhong Wei. URL vidita ye 30ma di novembro 2005.
- ↑ Zhong Wei, note 10.
- ↑ Hewitt, D., Teenage prostitution case shocks China BBC News. Accessed 2 Dec. 2005.
- ↑ Jeffreys, E., note 6 at 98. See also Gil, V.E., Wang, M.S., Anderson, A.F., Guo, M.L. and Wu, Z.O. "Plum blossoms and pheasants: prostitutes, prostitution, and social control measures in contemporary China" (1996) 38 International Journal of Offender Therapy and Comparative Criminology 319.
- ↑ See for example Wang Haibo, 女大学生卖淫，我不相信是假新闻 ("Female university students selling sex, I don't believe it's false news"), Hong wang, 3 July 2003. Accessed 24 Nov. 2005.
- ↑ Pan Suiming, 中国红灯区纪实 ("A true record of China's red-light districts"). Accessed 15 Dec. 2005.
- ↑ McCurry, J. and Allison, R., 40m bachelors and no women ... the birth of a new problem for China, The Guardian, 9 March 2004. Accessed 2 Dec. 2005.
- ↑ Anderson A. and Gil V., "Prostitution and public policy in the People's Republic of China: an analysis of the rehabilitative ideal" (1994) 4 International Criminal Justice Review 23 at 28.
- ↑ Malhotra, A. "Prostitution, triads and corruption - Shanghai's dark side", (February 1994) Asia, Inc. 32 at 32-9.
- ↑ Xin Ren, note 8 at 1423.
- ↑ Asia Monitor Resource Centre, Sex Work in China. (Accessed 20 Nov. 2005).
- ↑ Pan Suiming, note 18 at 52-7.
- ↑ Act of the People's Republic of China for Security Administration Punishment.
- ↑ Hershatter, G., Dangerous Pleasures: Prostitution and Modernity in Twentieth-Century Shanghai (Berkeley, CA: University of Kalifornia Press) at 363.
Altra lektajo
redaktar(omno en la Chiniana e la Angla)
- Aizibing: shehui, lunli he falü wenti zhuanjia yantaohui (艾滋病：社会、伦理和法律问题专家研讨会: "Report of the Expert Workshop on HIV and Prostitution: Social, Ethical and Legal Issues"), Beijing: Chinese Academy of Social Sciences, 29-31 Oktobro.
- Gil, V.E. and Anderson, A.F. (1998) "State-sanctioned aggression and the control of prostitution in the People's Republic of China: a review", Aggression and Violent Behaviour, 3: 129-42.
- Hershatter, G., Dangerous Pleasures: Prostitution and Modernity in Twentieth-Century Shanghai (Berkeley, CA: University of Kalifornia Press).
- Jeffreys, E., China, Sex and Prostitution, (London: RoutledgeCurzon, 2004).
- Ruan, F. (1991) Sex in China: Studies in Sexology in Chinese Culture, New York: Plenum Press.
- Shan Guangnai, Zhongguo changji - guoqu he xianzai (中国娼妓过去和现在: "Chinese Prostitution - Past and Present") (Beijing: Falü chubanshe, 1995).
Extera ligili
redaktar- All-China Women's Federation, Excerpts from the Criminal Law of the PRC. Videz partikulare artikli 358-362.
- Jeffreys, E., A Matter of Choice: Feminist Prostitution Debates and the Example of China.
- Xin Ren, Prostitution and Employment Opportunities for Women under China's Economic Reform.
- Pan Suiming, 中国红灯区纪实 ("A true record of China's red-light districts") Sociolociala inquesto pri tri centri di prostitucado.
- Gifford, R., On the Road in China: Prostitution, Religion Rise, NPR.
- International Sex Guide: China Forumo pri qualamaniere on employas prostituciti en Chinia (explicita kontenajo).
|
Ica pagino uzas kontenajo del Angla Wikipedio. On povas trovar l'originala artiklo ye en:Prostitution_in_the_People's_Republic_of_China; ol uzesas segun la GFDL-reguli. |