Apertar la precipua menuo

Kontrato di Petrópolis

(Ridirektita de Petrópolis-kontrato)

Petrópolis-kontrato esis pakto pri paco signatita per Brazilia e Bolivia la 17ma di novembro 1903 en l'urbo Petrópolis. Segun la pakto, Bolivia cedis 191 000 km² di teritorio a Brazilia, qui korespondas preske tote a nuna Braziliana stato Acre. Ante, en 1867, tra la Pakto pri Paco ed Amikeso Bolivia cedis 164 242 km² qua nune formacas parto di Amazonas-stato.

Inter la motivi por la cedo esis la koloniigo di la regiono da Braziliani, qui eniris Boliviana teritorio por explorar kauchukofigieri dum l'epoko konocita kom La Febro dil Kauchuko e la su-levo dil habitantaro kontre Boliviana administrado.

Kambie por la teritorio, Brazilia aceptis

  • konstruktar fervoyo qua permisis transportar Boliviana produkti til l'urbo Porto Velho en nuna Rondonia, pro Madeira-fluvio ne permisar navigado en la regiono
  • cedar 3,000 km² di teritorii a Bolivia
  • permisar Bolivia navigar tra Braziliana fluvii til l'oceano Atlantiko
  • permisar Bolivia konstruktar dogani en l'urbi Corumbá, Manaus, Belém ed en altra urbi de la frontiero
  • pagar £ 2 000 000 kom indemno a Bolivia (equivalanta nune a plu kam 290 milion dolari).

Brazilia efektigis tota la demandi dil kontrato. Madeira-Mamoré fervoyo inauguresis en 1912, quankam ol ne atingis l'urbo Riberalta, pro problemi en la tereno. La fervoyo kustis US$ 33 milioni, e 3,600 laboristi perdis lua vivo pro malario o flava febro.

Videz ankeRedaktar