Nikolai Vladimirovich Yushmanov

Nikolai Vladimirovich Yushmanov
Profesiono:	linguisto-orientalisto, arabisto, idisto
Lando:	Rusia Sovietia
Naskodato:	12 di februaro 1896, 1896
Nasko-loko:	Sankt-Peterburg, Rusa imperio
Mortodato:	2 di aprilo 1946
Morto-loko:	Leningrad, RSS Rusia, Sovietia

Nikolai Vladimirovich Yushmanov (Zïriana) naskis ye la 24ma di februaro 1896 en Sankt-Peterburg, e mortis ye la 2ma di aprilo 1946 en Leningrad. Il frequentis la privata gimnazio di Georgius Shtemberg e kursi dil Orientalista fakultato en l’universitato Petrograd-Leningrad. Lua ciencala fako esis la generala linguistiko, la komparala gramatiko dil Semida lingui, l’Arabistiko. Lua kandidat-verko (1919) komentis la fonetikala teorii dal Araba filologi, lua aspirant-verko (1923) exploris experimentale la mekanismo dil trio s-sh-kh. De 1924 lu esis « aspiranto » pri la generala e Semida linguistiko, preparis su al docenteso. Ma la longa milit-servo e la desemployeso (del 1923) multe nocis lua studii. Idisti advokis sustenar il per la mediaco dil Internaciona Laboristala Sokurso. Nur danke al pekunial sokurso dal Idista amiki lu sucesas durigar sua studii.

En 1925 il elektesis kom sekretario dil seciono dil Khamido-Semida linguistiko en la Exploristal Instituto Leningrad.

Sub guidado da W. Rosenberger ♀ 1918 lu studiis la historio e la teorio dil mondolinguo; pose lu relateskis kun plur autori di sistemi ed amikale korespondas kun li. Entote til 1926 lu publikigis 167 imprimuri (precipue artikli) e studiis plu kam 20 lingui.

Esperantisto de 1910, lu balde transiris ad Ido; kunlaboris en Ido-revui de 1911 (plu kam 100 artikli), kompozis du Rusa-Ido lexiki, «Manualo di Ido por Rusi» 1922, «Lernolibro di Ido por laboristi» kun F. Milter 1924, tradukis en Ido plura prozaji.

Il redaktis la revuo « Pioniro » e helpis la nova Idisti divenar plu experiencoza.

En 1923 il elektesis kom membro dil Ido-Akademio.

I.a. il skribis artikli pri gramatikala problemi. Tre konocata esas lua «100 Fundamental defekti di Esperanto.»

En mayo 1926 eventis en Leningrad la unesma konfero dil laboristal Idisti dil nordo-westala regiono. Nik Yushmanov debutis kun interesiva diskurso pri la temo «La mondolingual sistemi e la rolo di Ido inter li.»

Pos 1926 perdesis lua traco en la Ido-movemento.

Ma plu tarde (1952) lua nomo itere aparis en ciencala artiklo:

Yusmanov N. V. Studies in general phonetics based on the material of non-Indo-European languages (an extract from the author's linguistic study «Stadial phonetics» planned for 1940—1942)