Moravia (Cheke Morava, Germane Mähren) esas historiala regiono en central Europa an l'esto di Chekia, un ek l'olima landi Chekiana. Ol nomizesis segun rivero Morava, qua havas sua fonto en la nord-esto di la regiono.

Blazono di Moravia
Historiala standardo di Moravia
Moravia relate la nuna regioni di Chekia.

Populo redaktar

 
Historiala standardo di Moravia[1][2]
 
Moravia-Silezia en Chekoslovakia, inter 1928 e 1938.

Moraviani (chek. Moravané o konversatre Moraváci) esas west-Slava habitanti di moderna Moravia. Li parolas dialekti Moraviana dil Cheka linguo.

Cirkume 2,8 milion Moraviani vivas en Chekia. La majoritato di li deklaras esar di etnio Cheka, qua etniale inkluzas anke Bohemiani, Moraviani e Sileziani. Ma 380 474 Moraviani deklaris esar etniale Moraviani, en la demografiala kontado di 2001 (1 363 000 en la yaro 1991).

 
Kostumi maskula e femina portata dum festo Jízda králů eventanta omnayare che vilajo Vlčnov, sud-estala Moravia (tale nomata Slovakia Moraviana).

Pro kauzi historial, e la Cheka vorto por "Cheko" e lo por "Bohemiano" esas sama (sg. Čech, pl. Češi). La signifiko "Bohemiano" esas rara, ma teoriale povas ne esar klara, qua kategorio intencesas. Pro to kelka homi (exemple politikisti) parolas a Bohemiani, Moraviani e Sileziani en sua diskursi.

Sud-central-Moravia esas plu religiema kam Bohemia e Silezia ed ol esas bastiono dil eklezio katolika e dil Kristana demokrati.

Nur en l' unesma yari pos la Revoluciono di Veluro en la yaro 1989, kelka partisi politikal Moraviana sucesis en l'elekto. Ma li perdis multa forteso dum la des-asociado di Chekoslovakia en la yaro 1993, kande Chekoslovakia pacoze dividis su en Chekia e Slovakia.

Referi redaktar

  1. Odborné vexilologické stanovisko k moravské vlajce  Publikigita da Česká vexilologická společnost.  Loko di publikigo: Brno. Dato di publikigo: 2013.  Pagino/pagini: 3319, 3320. Idiomo: Cheka. 
  2. Pícha, František:Znaky a prapory v kronice Ottokara Štýrského  Publikigita da Česká vexilologická společnost.  Loko di publikigo: Brno. Dato di publikigo: 2013.  Pagino/pagini: 3320-3324.