Otto Jespersen
- Por la nomo di famoza Norvegiana komediisto, videz Otto Jespersen (komediisto).
| Otto Jespersen | ||
| ||
| Profesiono: | linguisto, Idisto, filozofo | |
| Lando: |  Dania
| |
| Naskodato: | 16 di julio 1860, 1860 | |
| Nasko-loko: | Randers (Jutlando, Dania) | |
| Mortodato: | 30 di aprilo 1943, 1943, 1 di aprilo 1943 | |
| Morto-loko: | København, Dania | |
Otto Jespersen (1860 til 1943) esis Dana linguisto, specalisto pri la gramatiko dil Angla linguo. Il naskis en Jutlando e frequentis l'Universitato di København, ganis diplomi en la Angla, Franca e Latina lingui. Il anke studiis linguistiko che l'Universitato di Oxford.
Jespersen esis profesoro pri la Angla che l'Universitato di København de 1893 til 1925. Kun Paul Passy, il fondis l'Internaciona Fonetik-Asociuro. Il forte sustenis la ideo pri auxiliara internaciona linguo. Il esis membro di la Delegitaro qua kreis l'artificala linguo Ido e pose developis Novial, quan il judikis kom plubonigita linguo.
Il esas famoza pro kelka verki. Lua Modern English Grammar esas konsakrata precipue a morfologio e sintaxo. Lua Growth and Structure of the English Language es kompleta vidpunto pri la Angla da homo kun altra matrala linguo, ed ankore nun imprimesas, plu kam 60 yari pos lua morto e preske 100 yari pos l'original publikigo.
Otto Jespersen invitesis plurafoye ad Usa kom gasto-profesoro, ed il kaptis l'okaziono por studiar l'eduko-sistemo di la lando. Lua autobiografio (videz infre) editesis en Angla tradukuro erste en 1995.
Jespersen propagis fonosemantiko e skribis: kad esas vere plu multa logiko ye l'opozita extremo qua negas irgasorta son-simbolismo (ecepte la mikra klaso de evidenta ekoismi ed 'onomatopei') e vidas en nia vorti nur kolekturo de acidental e senraciona asociuri di sono e signifiko? … "Esas nenegebla ke esas vorti quin ni sentas instintale kom adequata por expresar l'idei quin li reprezentas."
Bibliografio
redaktar- 1905: Growth and Structure of the English Language (riimprimuro en 1999 sub ISBN 0-226-39877-3.)
- 1909-1949: A Modern English Grammar (en sep tomi; la titulo esas interpretenda kom 'gramatiko pri la Moderna Angla')
- 1922: Language: Its Nature, Development, and Origin
- 1924: The Philosophy of Grammar
- 1928: An International Language (endukto di la linguo Novial)
- 1930: Novial Lexike (vortolibro di Novial)
- 1995: A Linguist's Life: Angla tradukuro dil autobiografio da Otto Jespersen, editita da Arne Juul [ed al.]. Odense, 1995.
Referi
redaktar- Otto Jespersen da Niels Haislund (1943)
- Otto Jespersen Online Bibliography
- Otto Jespersen - his work for an international auxiliary language da Henry Jacob (1943)