Citroën 2CV

Citroën 2CV ofte kurtigit a: 2CV (en la Franca: Deux chevaux - Du Kavali), esas automobilo di la Franca automobiliferio Citroën. L'abreviuro signifikas '2 kavali vaporo', segun mezuro qua esas la rezulto di la komplikita kalkulo-metodo di la Franca voy-imposto.

Citroën 2CV

La seriala produktado di la 2CV duris de la 11ma julio di 1949 til la 27ma di julio 1990. Dum ta periodo produktesis 5.144.966 exempleri, di qui 3.898.631 2CV e 1.246.335 2CV-furgoneti, ca nombro augmentas a preske 9 milion exempleri kande la frato-modeli Dyane, Ami, Méhari e FAF esas inkluzat en la nombri. L'aspekto di la 2CV esis, same kam ta di Citroen ID/DS e la Traction Avant ("Trakto Avana"), esis desegnita da Flaminio Bertoni.

Sur bazo di la 2CV diferanta munt-automobili konstruktesis, interaltre la Burton, Cygnus, Deauville, Le Patron, Lomax, Voglietta, Hoffman e Vanclee.

Automobilo partikularaRedaktar

L'avana pordi havas fenestro dividit en du parti, di qui l'infra parto povas esar vertikale faldit adsupre. La dopa pordi havas ne-apertebla fenestro. Olua levero di rapideso stekesas en la tablero. La tekto esas telo rulebla por apertar ed esas alta (viro kun chapelo devis povar sidar en l'automobilo). La suspensiono esas mola por posibligar transportar buxo de ovi sen ruptar oli vehante sur tereno kruda, e por la komforto di olua pasajeri dum veho trans la neglata voyi di Paris e glate transirar la multa lentigili sur la voyo. Avane du lampi muntesis sur la parafangi, apud la kapoto.

Historio di la 2CVRedaktar

Pos la morto di André Citroën e la transpreno di la kompanio da bandajiferio Michelin, la nova direktistaro di Citroën decidis en 1935 developar mikra auotomobilo qua esez apta por la sovaja ruro di Francia: la TPV, od: "Toute Petite Voiture" (tre mikra automobilo). Projetestro e stimulanto Pierre-Jules Boulanger deskriptis la skopo kom 'parapluvo sur roti'.